- પાઇપલાઇનમાંથી માનવ અવશેષ મળવા મામલે ખુલાસો
- અવશેષો લવિના હરવાણીના હોવાનો થયો ખુલાસો
- લવિના હરવાણી ઘણા દિવસોથી ગુમ હતી
પાટણના સિદ્ધપુર નગરપાલિકાની પાણી પાઇપલાઇનમાંથી માનવ અવશેષ મળવા મામલે મોટો ખુલાસો થયો છે. જે માનવ અવશેષ સિદ્ધપુરમાંથી ગુમ થયેલી લવિના નામની યુવતીના હોવાનું સામે આવ્યું છે. પાણી પાઇપલાઇનમાંથી મળેલા માનવ અવશેષોનું DNA પરથી ખુલાસો થયો છે કે, તે અવશેષો લવિના હરવાણીના છે, ગુમ થયેલી યુવતીના માતા પિતાના ડીએનએ રિપોર્ટ કરવામાં આવતા સમગ્ર કેસ ઉકેલાયો છે.
12 મેના રોજ લગ્ન હતાં
લવિના પાંચ દિવસ પહેલા ગુમ થયાની વિગતો છે, સુદ્ધપુરમાં રહેતી લવિનાના 12 મેના રોજ લગ્ન હતાં, જો કે, 7 મેના રોજ તે ગુરૂદ્વારા જવાનું કહી ઘરેથી નીકળી હતી ત્યારબાદ તે ઘરે પરત ફરી ન હતી. જે મામલે ગુમ થયાની પરિવારજનોએ પોલીસને જાણ કરી હતી. જો કે, બાદમાં પાણીની પાઈપ લાઈનમાંથી મૃતદેહના અવશેષો મળી આવ્યા હતાં. જે મામલે પોલીસને આશંકા જતા તે દિશામાં તપાસ હાથ ધરી હતી. અત્રે તમને જણાવી દઈએ કે, પોલીસના હાથે સીસીટીવી લાગ્યા છે જેમાં તે પાણીની ટાંકી તરફ જઈ રહી હતી તેમજ તે દિશામાંથી પોલીસને દુપટ્ટો પણ મળી આવ્યો હતો.
16 તારીખનો બનાવ
16 તારીખના રોજ સિદ્ધપુરમાં પાણીની પાઈપલાઈનમાંથી મૃતદેહના અવશેષો મળ્યા હતા ત્યાર બાદ પાઈપલાઈનમાં તપાસ કરતા વિવિધ સ્થળો પર મૃતદેહના અવશેષો મળ્યા હતા. તેને ફોરેન્સિક લેબમાં તપાસમાં મુકવામાં આવ્યા હતા અને જે રિપોર્ટમાં સામે આવ્યું હતું કે, તે અવશેષો કોઈ મહિલાના છે, ત્યાર બાદ પોલીસ ગુમ થયેલી મહિલાઓ અંગ માહિતી તપાસી ત્યારે લવિના નામની યુવતી ગુમ થયેલી હોવાનું જાણવા મળ્યું હતું ત્યાર બાદ લવિનાના માતા-પિતાનો DNA રિપોર્ટ કરવામાં આવ્યો અને જેના પરથી સચોટ જાણવા મળ્યું કે, તે મૃતઅવશેષો લવિનાના જ છે.
હત્યા કે પછી આત્મહત્યા ?
પોલીસે એટલુ ચોકસ ઉકેલી લીધું છે કે, આ અવશેષો લવિનાના છે પરંતુ આ બનાવ હત્યા કે પછી આત્મહત્યા છે તે બાબત ઉકેલી શકી નથી. અત્રે તમને જણાવી દઈએ કે, લવિનાના પરિવારજનો આત્મહત્યા ન કરી હોવાનું જણાવી રહ્યા છે તેમજ આ મામલે યોગ્ય તપાસ કરવા પણ માંગ કરી રહ્યાં છે
