યૂઝર્સ એલર્ટ / મોટા સમાચાર : વોટ્સએપનું આ મોટું ફીચર આવ્યું સરકારની નજર હેઠળ, કરશે તપાસ

વોટ્સએપે તાજેતરમાં જ પોતાનું નવું યુઝરનેમ ફીચર લોન્ચ કર્યું છે. આ ફીચર યુઝર્સને તેમનો મોબાઇલ નંબર જાહેર કર્યા વિના અન્ય યુઝર્સ સાથે વાતચીત કરવાની મંજૂરી આપે છે. કંપનીનો દાવો છે કે આનાથી યુઝરની પ્રાઈવેસી પહેલા કરતા પણ વધુ મજબૂત બનશે.

કેન્દ્ર સરકાર યૂઝર આઈડી ફીચરની તપાસ કરશે

ભારત સરકાર વોટ્સએપના ફીચરથી એલર્ટ થઈ છે. સરકારને આશંકા છે કે જો તેનો દુરુપયોગ કરવામાં આવે તો, ઓનલાઈન છેતરપિંડી અને નકલી ઓળખના કેસોમાં વધારો થઈ શકે છે. સરકારી સૂત્રોના જણાવ્યા અનુસાર, કેન્દ્ર સરકાર WhatsAppના  નવા યુઝરનેમ ફીચરના ગોપનીયતા અને સુરક્ષા પાસાઓની તપાસ કરવાની તૈયારી કરી રહી છે.

તપાસમાં ખામી જણાય તો શું?

જો તપાસમાં કોઈ ગંભીર ખામી કે સુરક્ષા સમસ્યા બહાર આવશે, તો WhatsAppની પેરેન્ટ કંપની Meta ને પણ નોટિસ મોકલવામાં આવી શકે છે. 

WhatsAppનું નવું ફીચર શું છે

વોટ્સએપનું નવું ફીચર ટેલિગ્રામ જેવું જ કામ કરે છે,પહેલાં, WhatsApp પર કોઈ નવા વ્યક્તિ સાથે ચેટ કરવા માટે મોબાઇલ નંબર જરૂરી હતો પરંતુ આ ફીચર આવ્યાં બાદ તમારો મોબાઈલ નંબર બીજી વ્યક્તિને દેખાશે નહીં. કંપનીનું કહેવું છે કે આનાથી પ્રાઈવેસીમાં સુધારો થશે અને અજાણ્યાને તમારો નંબર પણ નહીં મળે.

વધુ વાંચો : નાની બચતના રોકાણકારો માટે મોટા સમાચાર, સરકારે વ્યાજ દરનું કર્યું એલાન, આ યોજનામાં સૌથી વધુ લાભ

સરકારને કઈ વાતની ચિંતા?

સરકારને એ વાતની ચિંતા છે કે જો કોઈ વ્યક્તિ બીજાના નામ જેવું જ યૂઝર નેમ બનાવ અથવા પોતાની સાચી ઓળખ છુપાવીને લોકોનો સંપર્ક કરી શકે છે અને આ રીતે ફ્રોડ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ