'પંછી' પિજરામાં / ' નામ અબ્દુલ હે તેરા ક્યા ? ક્રાઈમ બ્રાંચે ડબલ મર્ડરના આરોપીને અમદાવાદથી ડ્રગ્સના જથ્થા સાથે ઝડપી લીધો

• અમદાવાદમાંથી ઝડપાયો ડ્રગ્સનો જથ્થો 
• એમડી ડ્રગ્સ સાથે જુહાપુરાનો અબ્દુલ ઝબ્બે 
• ડબલ મર્ડરનાં આરોપીની હિમત વધુ ખુલી   

રાજ્યમાં ડ્રગ્સ ઘુસાડવાનો સિલસિલો યથાવત હોય તેમ, અગાઉ થયેલી કાર્યવાહીઓનો કોઈ ખૌફ ડ્રગ પેડ્લર પર ના હોય તેમ  ડબલ મર્ડર કેસનો આરોપી એમડી ડ્રગ્સના જથ્થા સાથે ઝડપાયો છે. અમદાવાદમાંથી ઝડપાયેલો આ આરોપી  46 ગ્રામ એમ.ડી ડ્રગ્સ રાજસ્થાનથી લઈને આવી રહ્યો હતો. જેને સરખેજ ક્રાઈમ બ્રાંચે ઝડપી લીધો છે. 

અમદાવાદમાં ફરી એક વાર ડ્રગ્સની હેરાફેરી ઝડપાઈ છે. અમદાવાદ ક્રાઈમ બ્રાંચે એમડી ડ્રગ્સ સાથે જુહાપુરાનાં અબ્દુલ વહીદ ઉર્ફે બમ્બૈયા શેખ નામના ઈસમને ઝડપી તેની પાસેથી 48.090 ગ્રામ મેફેડ્રોનનો જથ્થો જપ્ત કર્યો છે. અમદાવાદ ક્રાઈમબ્રાંચની ટીમે બાતમીનાં આધારે વીએસ હોસ્પિટલ પાસેથી આરોપીને પકડી તપાસ કરતા તેની પાસેથી આ 4.80 લાખની કિંમતનો ડ્રગ્સ  અને 2 લાખ  રૂપિયા રોકડા સહિત કુલ 7 લાખનો મુદ્દામાલ કબ્જે કરાયો છે..આરોપીની તપાસમાં સામે આવ્યું કે તે છેલ્લાં 2 મહિનાથી ટ્રાવેલ્સમાં રાજસ્થાનની આ જ પ્રકારે ડ્રગ્સ લાવી અમદાવાદનાં જુહાપુરા, ગોમતીપુર અને બાપુનગર સહિતનાં વિસ્તારોમાં ડ્રગ્સ પેડલરોને આ ડ્રગ્સ વેંચતો હતો..

 અગાઉ આરોપી 1 કિલો 700 ગ્રામ જેટલુ ડ્રગ્સ લાવી ચુક્યો હોવાનું પણ તપાસમાં ખુલ્યું છે.. તેમજ આરોપી વર્ષ 1999માં કાલુપુરમાં અને 2011માં મણીનગરમાં હત્યાનાં ગુનામાં જેલવાસ ભોગવી ચુક્યો હોવાનું પણ સામે આવ્યું છે.. ત્યારે અમદાવાદ ક્રાઈમબ્રાંચે આરોપીની વધુ તપાસ હાથ ધરી છે.