આપણે ઘણીવાર એવો શબ્દ ઉપયોગમાં લઈએ છીએ કે હૃદય એક ધબકારો ચુકી ગયું. હવે એવુ લાગે છે કે આ શબ્દનો ઉપયોગ વારંવાર કરવો પડે અને એ પણ મોટેભાગે અજુગતી ઘટનામાં. નાની ઉમરે હૃદયના ધબકારા બંધ થઈ જાય અને કોઈ વ્યક્તિ અચાનક ચિર નિંદ્રામાં પોઢી જાય. સૌરાષ્ટ્ર સહિત ગુજરાતના અનેક સ્થળોએ એવા કિસ્સા બન્યા કે જેમાં યુવાન વયે હૃદય થંભી ગયું હોય અને વ્યક્તિનું મૃત્યુ થયું હોય. કોઈ ગરબાની પ્રેક્ટિસ દરમિયાન અચાનક ઢળી પડે છે, કોઈ ક્રિકેટ રમતા રમતા બેભાન થઈ જાય છે. તો કોઈ ઓફિસ કે કારખાનામાં કામ કરતા કરતા હૃદયરોગના અચાનક હુમલાથી મૃત્યુને ભેટે છે.
- ગુજરાતમાં રોગનું પ્રમાણ વધ્યું
- 2020-21ની સરખામણીએ 2022-23માં રોગનું પ્રમાણ વધ્યું
- વિવિધ રોગના દર્દીઓની સંખ્યામાં વધારો
ગુજરાતમાં છેલ્લા એક વર્ષમાં હૃદયરોગના દર્દીઓ પણ વધ્યા છે. વર્તમાન સમયનો તણાવ કહો કે જીવનશૈલી પરંતુ હૃદયરોગના હુમલાઓનું વધતું પ્રમાણ આજની પેઢી માટે ચિંતાજનક છે તે વાતનો ઈન્કાર ન થઈ શકે. આવી તકલીફનું સમાધાન શું?, જીવનશૈલીમાં બદલાવ કઈ રીતે લાવવો, શું બદલાવ લાવવો, તમારી અંદર રહેલો તણાવ કઈ રીતે દૂર કરવો.. હૃદયરોગની સાથે સાથે અન્ય બીમારીનું પણ પ્રમાણ ન વધે તે માટે શું ધ્યાન રાખવું.
- છેલ્લા બે દાયકામાં નાની વયે હૃદયરોગના હુમલાનું પ્રમાણ વધ્યું
- ચરબી જામી જવી હૃદયરોગના હુમલા પાછળનું કારણ
- ચરબી જામવાથી નળી સાંકડી થાય છે જે સરવાળે હાર્ટ અટેકમાં પરિણમે
ગુજરાતમાં રોગનું પ્રમાણ વધ્યું. 2020-21ની સરખામણીએ 2022-23માં રોગનું પ્રમાણ વધ્યું. વિવિધ રોગના દર્દીઓની સંખ્યામાં વધારો થયો છે. સ્વસ્થ ગુજરાતના સંકલ્પને પહોંચ્યો ફટકો. જેથી હૃદયરોગ, કેન્સર, કિડનીના દર્દીઓ વધ્યા. રક્તપિત, એઈડ્સ, ટાઈફોઈડના કેસ પણ વધ્યા.
ગુજરાતમાં રોગનું વધતું પ્રમાણ
| રોગ |
હૃદયરોગ |
| 2020-2021 |
1,75,125 |
| 2022-2023 |
3,37,266 |
| |
|
| રોગ |
કિડની |
| 2020-21 |
9165 |
| 2022-23 |
13338 |
| |
|
| રોગ |
કેન્સર |
| 2020-2021 |
11687 |
| 2022-2023 |
17525 |
| |
|
| રોગ |
ટીબી |
| 2020-2021 |
1,16,506 |
| 2022-2023 |
1,48,017 |
થંભતું હૃદય, ચિંતાનો વિષય
જામનગર
- 19 વર્ષના યુવાનનું ગરબાની પ્રેક્ટિસ દરમિયાન હાર્ટ અટેકથી મૃત્યુ
મોરબી
- રફાળેશ્વરના કારખાનામાં યુવકનું હાર્ટ અટેકથી મૃત્યુ
ગાઝિયાબાદ
- 19 વર્ષના યુવકનું જીમમાં કસરત દરમિયાન મૃત્યુ
રાજકોટ
- ઓફિસમાં કામ કરતા વ્યક્તિનું હૃદયરોગના હુમલાથી મૃત્યુ
મોરબી
- બેંકમાં કામ કરતા 24 વર્ષીય યુવકનું હાર્ટ અટેકથી મૃત્યુ
જૂનાગઢ
- ગરબાની પ્રેક્ટિસ દરમિયાન યુવકનું હાર્ટ અટેકથી મૃત્યુ
હૃદય ધબકારો કેમ ચૂકી જાય છે?
છેલ્લા બે દાયકામાં નાની વયે હૃદયરોગના હુમલાનું પ્રમાણ વધ્યું છે. ચરબી જામી જવી હૃદયરોગના હુમલા પાછળનું કારણ છે. ચરબી જામવાથી નળી સાંકડી થાય છે જે સરવાળે હાર્ટ અટેકમાં પરિણમે છે. નવી પેઢી આરોગ્ય પ્રત્યે સભાન પરંતુ તણાવ વધ્યો. બહારનો ખોરાક લેવાનું પ્રમાણ વધ્યું. તેમજ ધૂમ્રપાનનું પ્રમાણ યુવા પેઢીમાં વધ્યું છે. હૃદયને લોહી પહોંચાડતી નળી તણાવને કારણે ખરબચડી બની શકે છે. કસરત કરવાની પરાકાષ્ઠા આવે ત્યારે ચોક્કસ હોર્મોન સક્રિય થતા હોય છે. આવા હોર્મોન્સ સ્ટ્રેસ માટે પણ જવાબદાર હોય છે જેથી હાર્ટ અટેક આવી શકે છે. ખોરાકમાં ટ્રાન્સફેટનું પ્રમાણ નુકસાનકારક સાબિત થાય છે. એકના એક તેલમાં તળેલી વસ્તુ નુકસાનકારક સાબિત થાય છે. ટ્રાન્સફેટ ચરબીના થર જમાવી દે છે.
