સાવધાન / પલાઠી વાળીને બેસી રહેવાના કારણે ખાલી ચઢી જતી હોય તો ચેતી જજો, શરીર આપી રહ્યું છે આ સંકેત

• પગમાં ખાલી ચઢવી સામાન્ય બાબત 
• પરંતુ વારંવાર થાય તો ના કરતા ઈગ્નોર 
• હોઈ શકે છે આ ગંભીર સમસ્યાના સંકેત 

ઘણી વખત એવું બને છે કે જો તમે તમારા પગને થોડી વાર વાળીને બેસી રહેશો તો થોડી વાર પછી ખૂબ જ ખાલી ચઢી જાય છે. પછી જ્યારે તમે પગને સીધો કરો છો તે પછી તે ઠીક થઈ જાય છે. શું તમે જાણો છો કે આવું કેમ થાય છે? હકીકતે પગમાં ખાલી વિટામિનની ઉણપને કારણે ચઢે છે. ચાલો જાણીએ કે તમે તેની ઉણપને કેવી રીતે દૂર કરી શકો છો.

વિટામિન ઇની ઉણપ છે તેનું કારણ 
જો તમારા હાથ અને પગમાં ખાલી ચઢે છે તો તેનું કારણ વિટામિન Eની ઉણપ છે. વિટામિન E આપણા સેલ્સને ફ્રી રેડિકલ્સ દ્વારા નુકસાન થવાથી બચાવે છે. તમને જણાવી દઈએ કે ફ્રી રેડિકલ્સ ઘૂમાડા અને સૂર્યના કિરણોમાં પણ હોઈ શકે છે. 

ખાલી ચઢવાના આ છે કારણ 
ઘણી વખત વિટામિન ડીની કમીથી પણ હાથ અને પગમાં ખાલી ચઢી શકે છે. આ ઉપરાંત ઘણી વખત શુગર લેવલ હાઈ થવાના કારણે પણ પગમાં ખાલી ચઢે છે. 

આ રીતે કરો વિટામિન E ની ઉણપ પુરી 
વિટામિન E ની ઉણપને પહોંચી વળવા માટે તમારે પહેલા તમારા આહારમાં ફેરફાર કરવો જોઈએ. આ માટે તમારા આહારમાં વિટામિન Eથી ભરપૂર ખોરાકનો સમાવેશ કરો. બદામમાં વિટામિન E સારી માત્રામાં જોવા મળે છે. 

તમે તેને રોજ સવારે ખાઈ શકો છો. તેને ખાવાથી મગજ પણ તેજ થાય છે. સૂર્યમુખીના તેલમાં વિટામિન ઇ ભરપૂર માત્રામાં હોય છે. તમે આ તેલને સલાડમાં ઉમેરીને ખાઈ શકો છો. મગફળી અને એવોકાડો પણ રિચ વિટામિન ઇ ફૂડ છે. ખાલી દૂર કરવા માટે તમે તેને ખાઈ શકો છો.