સ્પોર્ટ્સ / શું ખરેખર વિરાટ કોહલીએ રાહુલ ગાંધીને આપી જીતની શુભકામનાઓ? જાણૉ શું છે વાયરલ તસવીરનું સત્ય

• કર્ણાટક વિધાનસભાચૂંટણીમાં કોંગ્રેસની જીત
• વિરાટ કોહલીએ પણ રાહુલ ગાંધીને શુભકામનાઓ પાઠવી!
• ઈન્સ્ટાગ્રામ પર સ્ક્રીનશોટ વાયરલ

કર્ણાટક વિધાનસભા ચૂંટણીમાં કોંગ્રેસે બમ્પર જીત મેળવી છે. કોંગ્રેસે 136 સીટ પર અને ભાજપે 65 સીટ પર જીત મેળવી છે. સોશિયલ મીડિયા પર દાવો કરવામાં આવે છે કે, ભારતીય ટીમના બેટ્સમેન વિરાટ કોહલીએ પણ રાહુલ ગાંધીને શુભકામનાઓ પાઠવી છે. 

સોશિયલ મીડિયા સાઈટ્સ ટ્વિટર, ઈન્સ્ટાગ્રામ પર એક સ્ક્રીનશોટ વાયરલ થઈ રહ્યો છે. જે જોઈને લાગી રહ્યું છે કે, વિરાટ કોહલીએ ઈન્સ્ટાગ્રામ પર રાહુલ ગાંધીને શુભકામનાઓ પાઠવી છે. રાહુલ ગાંધીએ માઈક પકડ્યું હોય તેવો ફોટો અપલોડ કર્યો છે, જેમાં લખ્યું છે કે, ‘ધ મેન, ધ મિથ, ધ લીડર @રાહુલ ગાંધી.’ વિરાટ કોહલીએ ઈન્સ્ટાગ્રામ સ્ટોરી પર આ પ્રકારે લખ્યું હોવાનું બતાડવામાં આવ્યું છે. 

Virat Kohli is on 🔥, hope he doesn’t delete it

#KarnatakaElectionResults2023 pic.twitter.com/qf6C3w36GH

— Dr Nimo Yadav (@niiravmodi) May 13, 2023

આ પ્રકારની પોસ્ટ સોશિયલ મીડિયા પર વાયરલ થયા પછી અલગ અલગ પ્રતિક્રિયાઓ આપવામાં આવી રહી છે. અનેક લોકો આ બાબતને કોહલી અને ગંભીરની ચડભડ સાથે જોડી રહ્યા છે. એક યૂઝરે ગૌતમ ગંભીર વિશે કહ્યું છે કે, તેને ભાજપમાંથી હટાવી દેવો જોઈએ, નહીંતર લોકસભામાં હાર થશે. આ સ્ક્રીનશોટ વાયરલ થયા પછી અનેક લોકોએ સવાલ કર્યો છે કે, શું ખરેખર કોહલીએ રાહુલ ગાંધીની પ્રશંસા કરી છે? આ વાયરલ દાવાની તપાસ કરતા જાણવા મળ્યું છે કે, આ બાબત તદ્દન ફેક છે. 

કોઈ યૂઝરે એડિટ કર્યા પછી વિરાટ કોહલી વિશે આ પ્રકારની ફોટો પોસ્ટ કર્યો છે. વિરાટ કોહલીએ ઈન્સ્ટાગ્રામ પર આ પ્રકારની સ્ટોરી અપલોડ કરી નથી. કોહલીના ઈન્સ્ટા એકાઉન્ટ આ સ્ટોરી જોવા નથી મળી રહી અને પહેલા પણ આ પ્રકારની કોઈ પોસ્ટ કરી નથી. આ જે પણ પોસ્ટ વાયરલ થઈ રહી છે, તે સંપૂર્ણપણે ફેક છે.