કલેક્શન / LEO એ તો બોક્સ ઓફિસ પર ધૂમ મચાવી, રૂ. 500 કરોડની ક્લબમાં થઈ સામેલ, અનેક રેકોર્ડ તોડી નાખ્યા

• 'LEO' વિશ્વભરમાં રૂ. 500 કરોડની ક્લબમાં સામેલ
• વિજયની કારકિર્દીમાં સૌથી વધુ કમાણી કરનારી ફિલ્મ
• ફિલ્મે ઘરેલુ બોક્સ ઓફિસ પર રૂ. 264.80 કરોડની કમાણી કરી 

વિજય થાલાપથીની તાજેતરમાં રિલીઝ થયેલી ફિલ્મ 'LEO' માત્ર સ્થાનિક બોક્સ ઓફિસ પર જ મોટો નફો નથી કરી રહી પણ વિશ્વભરમાં રેકોર્ડ પણ બનાવી રહી છે. જ્યારે ફિલ્મે ઘરેલુ બોક્સ ઓફિસ પર રૂ. 264.80 કરોડની કમાણી કરી છે, ત્યારે તે વિશ્વભરમાં રૂ. 500 કરોડની ક્લબનો પણ એક ભાગ બની છે. આ જાણકારી 'Leo'ના ઓફિશિયલ X એકાઉન્ટ પર પોસ્ટ કરીને આપવામાં આવી છે. તમને જણાવી દઈએ કે 'LEO' સૌથી ઝડપી તમિલ ફિલ્મ બની ગઈ છે. પોસ્ટમાં લખ્યું છે- 'માત્ર 6 દિવસમાં વૈશ્વિક સ્તરે રૂ. 500 કરોડનો આંકડો પાર કરનારી સૌથી ઝડપી તમિલ ફિલ્મ બની ગઈ છે.' આ સિવાય 'LEO' એ વિજય અને કનાગરાજના કરિયરની અત્યાર સુધીની સૌથી વધુ કમાણી કરનાર ફિલ્મનો રેકોર્ડ પણ બનાવ્યો છે.

#Leo Day 7 Public Review! #LeoIndustryHit #LeoHits400Crs@actorvijay @Dir_Lokesh @MrRathna @anirudhofficial @Jagadishbliss #Leo - The Fastest Tamil Film to Breach 500CR mark Globally in Just 6 Days ! 💥💥💥💥💥pic.twitter.com/o36IezmFpD

— LEO Movie (@LeoMovie2023) October 25, 2023

'LEO'એ અન્ય ફિલ્મોને સાઇડલાઇન કરી

'LEO' 19 ઓક્ટોબરે સિનેમાઘરોમાં રિલીઝ થઈ હતી. ત્યારથી ફિલ્મનો દબદબો યથાવત છે. તેની રજૂઆત સાથે ફિલ્મે અન્ય ઘણી ફિલ્મોને બાજુ પર મૂકી દીધી. આ લિસ્ટમાં શાહરૂખ ખાનના જવાનથી લઈને ટાઈગર શ્રોફના ગણપતનો સમાવેશ થાય છે. 'LEO' એક કાફે માલિકની વાર્તા છે જે તેના વિસ્તારનો હીરો છે.

આ ફિલ્મની સ્ટાર કાસ્ટ છે

'LEO'ની સ્ટાર કાસ્ટની વાત કરીએ તો વિજય થલાપથી ફિલ્મમાં મુખ્ય ભૂમિકામાં જોવા મળે છે. જ્યારે સંજય દત્તે વિલનની ભૂમિકા ભજવી છે. આ સિવાય ત્રિશા કૃષ્ણન, અર્જુન સરજા અને પ્રિયા આનંદ પણ આ ફિલ્મનો ભાગ છે.