અમદાવાદ / VIDEO: ROનું પાણી પીનારા ચેતી જજો : કોલેજના પ્રોફેસરે ડેમો કરી કર્યો ચોંકાવનારા ખુલાસા, તમારા શરીર પડી રહી છે આ અસર

• આર.ઓ.ના પાણીનો વાયરલ વીડિયો
• એલ.ડી એન્જિનિયરીંગ કોલેજના પ્રોફેસર દ્વારા કરાયો ડેમો 
• આર.ઓ.નું પાણી ફિલ્ટર થતું હોવાને કારણે મિનરલ નથી જોવા મળતાઃ પ્રોફેસર 
• આર. ઓ. નું પાણી લાંબા ગાળે નુકશાન કરતું હોય છે - પ્રોફેસર

 સોશિયલ મીડિયામાં આર.ઓ. નું પાણી પીવા લાયક નથી તેવો એક વીડિયો વાયરલ થઈ રહ્યો છે. ત્યારે VTV ન્યુઝ દ્વારા આ વીડિયો અંગે પડતાલ કરી હતા. આ બાબતે એલ.ડી. એન્જિનિયરીંગ કોલેજના પ્રોફેસર દ્વારા ડેમો કરાયો હતો. જેમાં આર.ઓ. નું પાણી પીવા લાયક નથી હોતું તેવો વીડિયોમાં દાવો કર્યો હતો. આર.ઓ.ના પાણીમાં મિનરલ જોવા મળ્યા ન હતા. ત્યારે સાદા બોરના પાણી, દૂધ, છાશ, દહીમાં મિનરલ જોવા મળ્યા હતા. ત્યારે આ બાબતે પ્રોફેસરે જણાવ્યું હતું કે આર.ઓ.  નું પાણી ફિલ્ટર થતું હોવાને કારણે મિનરલ નથી જોવા મળતા. તેમજ આર.ઓ.નું પાણી લાંબે ગાળે નુકશાન કરતું હોય છે. 

પ્રોફેસર દ્વારા ડેમો દ્વારા સમજાવવામાં આવ્યું
એલ.ડી.એન્જીનીયરીંગના પ્રોફેસર દ્વારા ડેમો કરવામાં આવ્યો હતો. જેમાં તેઓએ બલ્બને ચાલુ કરવા માટે સૌ પ્રથમ આર.ઓ.નાં પાણીમાં ટેસ્ટિંગ કર્યું પરંતું તેમાં બલ્બ ચાલુ થયો ન હતો. જ્યારે તેઓએ સાદા પાણીમાં ટેસ્ટીંગ કર્યું તો બલ્બ ચાલુ થવા પામ્યો હતો. તેમજ દહીમાં પણ તેઓ દ્વારા ટેસ્ટિંગ કરવામાં આવતા બલ્બ ચાલુ થવા પામ્યો હતો. ત્યારે આ ડેમો બાબતે તેઓએ જણાવ્યું હતું કે આર.ઓ. પાણીમાં અમુક મિનરલનો અભાવ જોવા મળ્યો. જ્યારે સાદા બોરના પાણી, દૂધ, છાશ, દહીમાં મિનરલ જોવા મળ્યા. જેના કારણે બલ્લ ચાલુ થયો. 

આર.ઓ.ના પાણીમાંથી અમુક મીનરલ્સ મળતા નથીઃપ્રોફેસર
ત્યારે આ બાબતે એલ.ડી.એન્જીનીયરીંગ કોલેજના પ્રોફેસરે જણાવ્યું હતું કે આર.ઓ.નું પાણી લાંબા ગાળે નુકશાન કારક બની શકે છે.  કારણ કે શરીરને જોઈતા અમુક મીનરલ્સ તેમાંથી નથી મળતા. આ બાબતે ફીઝીક્સના પ્રોફેરને પૂછતા તેઓએ જણાવ્યું હતું કે, આર.ઓ.નું પાણીમાં વધારે પડતી શુદ્ધતા મેળવવાનો પ્રત્ન કરવામાં આવે તો પીંગળેલા અથવા મિક્સ થયેલા જે મિનરલ્સ હોય છે તે હટી જતા હોય છે.  એનાં કારણે કંડક્ટીવીટી ઓછી જોવા મળે છે.