ભારે કરી / VIDEO: નહીં સુધરે આ પાકિસ્તાનીઓ! ચાલુ પ્લેનમાં પૈસા માંગવા લાગ્યો શખ્સ, કહ્યું હું ભીખ નથી માંગી રહ્યો મારે...

• પાકિસ્તાન તેના સૌથી ખરાબ દિવસોમાંથી પસાર થઈ રહ્યો છે
• પ્લેનની અંદર પૈસા માંગતો જોવા મળ્યો પાકિસ્તાની વ્યક્તિ 
• 2018માં પણ  આવો એક વિડીયો થયો હતો વાયરલ 

પાકિસ્તાન એક સંકટગ્રસ્ત દેશ છે જે હાલ તેના સૌથી ખરાબ દિવસોમાંથી પસાર થઈ રહ્યો છે. પાકિસ્તાનમાં લોકો પાસે ન તો ખાવાનું છે કે ન તો તેને ખરીદવા માટે પૈસા. ક્યારેક સરકાર IMF પાસે પૈસા માંગે છે તો ક્યારેક 'પ્લાન B' એટલે કે મિત્ર દેશો તરફ હાથ લંબાવે છે. માત્ર સરકાર જ નહીં હવે પાકિસ્તાનમાં સામાન્ય માણસ પણ પૈસા માટે અન્ય લોકોનો મદદ માંગી રહી છે. આવો જ એક વીડિયો સામે આવ્યો છે જેમાં એક વ્યક્તિ ફ્લાઈટમાં ડોનેશન માંગતો જોવા મળી રહ્યો છે. પ્લેનમાં ચાલતી વખતે તે કહે છે કે હું ભિખારી નથી.

પ્લેનની અંદર પૈસા માંગતો જોવા મળ્યો પાકિસ્તાની વ્યક્તિ 
વાત એમ છે કે  ટ્વિટર પર શેર કરવામાં આવેલા વીડિયોમાં એક વ્યક્તિ પ્લેનની અંદર પૈસા માંગતો જોવા મળે છે. તે કહે છે કે હું ભિખારી નથી, મને પાકિસ્તાનમાં મદરેસા બનાવવા માટે પૈસાની જરૂર છે, જે ઈચ્છે તે દાન કરી શકે છે. એ વાત તો નોંધનીય છે કે પાકિસ્તાનમાં શાસકોથી લઈને વરિષ્ઠ સૈન્ય અધિકારીઓ પણ પૈસા માંગવામાં જરાય શરમાતા નથી. પાકિસ્તાનના પીએમ શાહબાઝ શરીફથી લઈને ગયા વર્ષે આર્મી ચીફ બનેલા જનરલ અસીમ મુનીર સુધી ઘણીવાર લોન માટે સાઉદી અરેબિયા અને યુએઈ તરફ હાથ લંબાવતા જોવા મળે છે.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

2018માં પણ  આવો એક વિડીયો થયો હતો વાયરલ 
આવો જ એક વીડિયો 2018માં પણ સામે આવ્યો હતો, જેમાં એક નાજુક દેખાતો માણસ ફ્લાઈટમાં પૈસા માંગતો જોવા મળ્યો હતો. તે પ્લેનમાં બેઠેલા અન્ય મુસાફરો પાસેથી પૈસાની માંગ કરી રહ્યો હતો જ્યારે ફ્લાઈટ સ્ટાફ તેને શાંત કરવાનો પ્રયાસ કરી રહ્યો હતો. સોશિયલ મીડિયા પર વિડિયો વાયરલ થયા પછી કેટલાકે તેના પ્રત્યે સહાનુભૂતિ દર્શાવી, જ્યારે અન્ય લોકોએ પાકિસ્તાનની ગંભીર સ્થિતિની મજાક ઉડાવી હતી. 

પાકિસ્તાન પરથી નાદારીનું જોખમ ટળી ગયું છે
પાકિસ્તાનમાં આ વર્ષે ચૂંટણી યોજાવા જઈ રહી છે. શેહબાઝ શરીફે જાહેરાત કરી છે કે વર્તમાન સંસદનો કાર્યકાળ 14 ઓગસ્ટે સમાપ્ત થશે, ત્યારબાદ વચગાળાની સરકાર અને નવી ચૂંટણીઓનો માર્ગ ખુલશે. ઈસ્લામાબાદમાં, શેહબાઝે કહ્યું કે પાકિસ્તાનને IMF તરફથી 3 બિલિયન યુએસ ડોલરની સહાય મળી છે, જેણે દેશ તરફથી ડિફોલ્ટનું જોખમ ટાળ્યું છે. તેમણે કહ્યું કે અગાઉની સરકારે IMF કરારનું ઉલ્લંઘન કર્યું હતું જેના કારણે દેશ નાદારીનો સામનો કરી રહ્યો હતો.