વાસ્તુ ટિપ્સ / શું તમારું સંતાન અભ્યાસમાં છે નબળું? તો ફટાફટ સ્ટડી રૂમમાં આ રંગ પેઇન્ટ કરાવો, બાળકની બુદ્ધિ ચાણક્યથી પણ વધારે થશે તેજ

• બાળકોના રુમમાં કરાવો આછો ગુલાબી, લીલો અને પીળો રંગ
• આ રંગ બાળકોની યાદશક્તિમાં કરે છે વધારો
• ભણતી વખતે બાળકનું મુખ પૂર્વ દિશા તરફ હોવું જોઈએ

Vastu Tips: વાસ્તુશાસ્ત્રમાં દરેક વ્યક્તિ વસ્તુ અને ઘરને લઇને ઉપાયો જણાવવામાં આવ્યા છે. અત્યારના સમયમાં માતા-પિતાની સૌથી મોટી ચિંતાનો વિષય બાળકનો અભ્યાસ અને તેનુ ભવિષ્ય હોય છે. તેવામાં આવો જાણીએ કે વાસ્તુ શાસ્ત્ર અનુસાર, બાળક અભ્યાસમાં નબળુ હોય તો કેવો રંગ તેના સ્ટડી રુમમાં કરવો જોઇએ. 

વાસ્તુ અનુસાર, બાળકોના રૂમમાં યોગ્ય રંગ પસંદ કરવામાં અન્ય વસ્તુઓનું ધ્યાન રાખવું જોઈએ, કારણ કે રંગ તે સ્થાનનું વાતાવરણ નક્કી કરે છે. વાસ્તુશાસ્ત્ર અનુસાર બાળકોના સ્ટડી રૂમમાં આછો પીળો, આછો ગુલાબી અથવા આછો લીલો રંગ હોવો વધુ સારું છે.

પીળો એ શિક્ષણનો રંગ છે અને લીલો રંગ જ્ઞાનના દેવતાનો રંગ છે. તેથી, સ્ટડી રૂમ માટે આ રંગોની પસંદગી કરવાથી બાળકની બૌદ્ધિક ક્ષમતા વધે છે, તેનો અંતરાત્મા મજબૂત બને છે અને યાદશક્તિ વધે છે.

પુસ્તકોને મૂકવા માટે કઇ દિશા યોગ્ય છે ?
વાસ્તુશાસ્ત્ર અનુસાર, સ્ટડી રૂમમાં બુક કેસ(પુસ્તક મુકવાનુ કબાટ) હોવુ પણ જરૂરી છે અને અભ્યાસ કરતી વખતે બાળક બેસી શકે તે માટે યોગ્ય દિશા પણ હોવી જરૂરી છે. બુક કેસ રાખવા માટે સ્ટડી રૂમમાં પશ્ચિમ દિશા પસંદ કરવી જોઈએ. જો પશ્ચિમ દિશામાં વધુ જગ્યા ન હોય તો તેને પશ્ચિમથી દક્ષિણ તરફની દિવાલ પાસે રાખી શકાય છે.

આ ઉપરાંત ભણતી વખતે બાળકનું મુખ પૂર્વ દિશા તરફ હોવું જોઈએ. જો પૂર્વ દિશામાં કોઈ વ્યવસ્થા નથી, તો તમે ઉત્તર-પૂર્વ દિશા તરફ મુખ રાખીને પણ અભ્યાસ કરી શકો છો. આ બાળક માટે વસ્તુઓને સમજવામાં સરળ બનાવે છે

સ્ટડી રુમમાં જરુર લગાવો આ તસ્વીર
વાસ્તુશાસ્ત્ર અનુસાર બાળકોના સ્ટડી રૂમમાં પણ કેટલીક સારી તસવીરો લગાવવી જોઈએ. સ્ટડી રુમમાં ભણતરને લગતા ચાર્ટ, પોઝિટિવ થોટ્સ, સફળ લોકોની તસ્વીર, ઉગતા સૂર્યની તસ્વીર, દોડતા ઘોડાઓ, વૃક્ષો અને છોડ અથવા પક્ષીઓના કિલકિલાટના તસ્વીર મુકવા જોઈએ.