વાસ્તુશાસ્ત્ર / મની પ્લાન્ટ ઉગાડતા પહેલા જાણી લેજો આ 10 વાસ્તુ નિયમ, નહીં તો થશો નુકસાનના શિકાર

• વાસ્તુશાસ્ત્રમાં અનેક છોડને ઘર માટે શુભ માનવામાં આવે છે
• આ છોડ ઘરમાં લગાવવાથી સકારાત્મક ઊર્જાનો સંચાર થાય છે
• મનીપ્લાન્ટથી નાણાંકીય લાભ થાય છે

વાસ્તુશાસ્ત્રમાં અનેક છોડને ઘર માટે શુભ માનવામાં આવે છે. આ છોડ ઘરમાં લગાવવાથી સકારાત્મક ઊર્જાનો સંચાર થાય છે અને સુખ સમૃદ્ધિનો વાસ થાય છે. અનેક ઝાડ એવા હોય છે, જે ઘર માટે શુભ માનવામાં આવે છે. મનીપ્લાન્ટથી નાણાંકીય લાભ થાય છે. માનવામાં આવે છે કે, જે ઘરમાં આ છોડ હોય ત્યાં ધનની કમી થતી નથી. આ છોડ વાસ્તુ નિયમ અનુસાર લગાવવામાં ના આવે તો નાણાંકીય નુકસાન થઈ શકે છે. આ કારણોસર નાણાંકીય નુકસાન ના થાય તે માટે વાસ્તુ અનુસાર મની પ્લાન્ટ રાખવો જોઈએ. 

મની પ્લાન્ટ રાખવા માટે વાસ્તુ નિયમ 

• મની પ્લાન્ટનો છોડ સુખ, સમૃદ્ધિ અને સકારાત્મક ઊર્જા પ્રદાન કરે છે. આ કારણોસર આ છોડ ઘરની બહાર ના લગાવવો જોઈએ. 
• મની પ્લાન્ટનો છોડ ઘરના મુખ્ય દ્વારની અંદર જ રાખવો જોઈએ. 
• ભલે કોઈ વ્યક્તિ ગમે તેટલી ખાસ હોય, તેને મની પ્લાન્ટ આપવો ના જોઈએ. આ પ્રકારે કરવાથી આર્થિક પરેશાનીનો સામનો કરવો પડી શકે છે. 
• વાસ્તુશાસ્ત્ર અનુસાર મની પ્લાન્ટ ઉત્તર-પૂર્વ દિશામાં ના રાખવો જોઈએ. આ દિશામાં મની પ્લાન્ટ રાખવાથી નાણાંકીય નુકસાન થાય છે. 
• મની પ્લાન્ટ હંમેશા દક્ષિણ-પૂર્વ દિશામાં રાખવો જોઈએ. આ દિશા ભગવાન ગણેશની દિશા હોવાથી આ દિશાને શુભ માનવામાં આવે છે. 
• મની પ્લાન્ટ સૂકાય નહીં, તે બાબતનું ખાસ ધ્યાન રાખવું. મની પ્લાન્ટ સુકાઈ જાય તો તે દુર્ભાગ્યનું કારણ બની શકે છે. 
• મની પ્લાન્ટમાં દરરોજ પાણી નાખવું જોઈએ. મની પ્લાન્ટ કાચની બોટલ અથવા બાઉલમાં હોય તો પાણી બદલતા રહેવું જોઈએ. 
• વાસ્તુશાસ્ત્ર અનુસાર મની પ્લાન્ટ કોઈપણ વ્યક્તિને ગિફ્ટમાં ના આપવો જોઈએ, નહીંતર સુખ-સમૃદ્ધિમાં ઘટાડો આવે છે. 
• મની પ્લાન્ટ પ્લાસ્ટિકની બોટલ અથવા કુંડામાં ના લગાવવો જોઈએ. મની પ્લાન્ટ લગાવવા માટે માટીના કુંડા અથવા કાચની વસ્તુનો ઉપયોગ કરવો જોઈએ. 
• મની પ્લાન્ટની વેલ જમીનને સ્પર્શ ના કરવી જોઈએ, તે કોઈ વસ્તુની મદદથી ઉપર ચઢાવી દેવી જોઈએ.