બેફામ / વડોદરાના વાઘોડિયામાં પશુ માલિકો અને ઢોર પાર્ટી વચ્ચે મોટી માથાકૂટ, VIDEOમાં દેખાઈ દહેશત

• વાઘોડિયામાં ઢોરપાર્ટીના સ્ટાફ પર હુમલો
• માથાભારે પશુમાલિકોની કરતૂત 
• પશુ પકડવાની કામગીરી દરમિયાન બબાલ

શહેર હોય કે ગામ નાની-મોટી સમસ્યાઓ દરેક જગ્યાએ હોય છે. મુશ્કેલી ત્યારે વધે જ્યારે સમસ્યા વિકરાળ સ્વરૂપ લેતી જાય અને સમસ્યાના સમાધાન સમય જ નવી સમસ્યા ઉભી થાય ત્યારે તે પરિસ્થિતિ પણ ગંભીર બનતી હોય છે. ત્યારે આવી ઘટના વડોદરાથી સામે આવી છે, જ્યાં રખડતા ઢોર પકડવા ઢોર પાર્ટી ગઈ હતી પરંતુ માથાભારે પશુમાલિકોએ ઢોરપાર્ટી પર હુમલો કર્યો હતો 

ઢોરપાર્ટીની ટીમ સાથે કર્યુ અભદ્ર વર્તન 
વડોદરાના વાઘોડિયામાં ઢોરપાર્ટીના સ્ટાફ પર માથાભારે પશુ માલિકોએ હુમલો કર્યો હતો. વાઘોડિયા રોડ પર ચંદ્રનગર સોસાયટી ખાતે પશુ પકડવાની કામગીરી દરમિયાન રખડતા ઢોર પકડવા જતા પશુમાલિકોએ કર્મચારીએ પર હુમલો કર્યો હતો. પશુ માલિકોએ પશુ પકડવાના વાહનોનો પીછો કરી દહેશતનો માહોલ ઉભો કર્યો હતો. આ સમગ્ર ઘટના દરમિયાન વિકાસ કહાર નામના કર્મચારીને માથાના ભાગે માર માર્યો હતો. ઢોરપાર્ટીની ટીમને અપશબ્દો બોલી પશુ પણ છોડાવી ગયા હતાં. પોલીસે કંટ્રોલ રૂમમાં ઢોરપાર્ટીના સ્ટાફને ફોન કરતા પશુ માલિકો સ્થળ પરથી ફરાર થઈ ગયાં હતા

વાંચવા જેવું: લાંચિયા અધિકારીને પકડવા ACBનો ફૂલપ્રૂફ પ્લાન, ફરિયાદી મુદ્દે ACBએ પરિપત્ર કર્યો જાહેર

કોર્પોરેશન અને પોલીસ મૂકપ્રેક્ષક બની ?
શહેરમાં રખડતા પશુ અને દબાણની સમસ્યા વકરી રહી છે. રખડતા પશુની અડફેટથી ઈજા કે મૃત્યુના બનાવ અટકતા નથી. શહેરમાં દબાણ પણ જ્યાં-ત્યાં ખડકી દેવાયા છે. મહાપાલિકા કે પોલીસની ટીમ કામગીરી કરે છે તો તેના પર હુમલો થાય છે. સ્થિતિ એવી છે કે કોર્પોરેશન અને પોલીસ મૂકપ્રેક્ષક બની રહી છે. કાયદાની ઐસી-તૈસી થાય છે અને લોકોની પરેશાની અટકતી નથી. શહેરો રખડતા પશુ અને દબાણના ભરડામાંથી મુક્ત થશે કે નહીં તેનો કોઈ જવાબ નહીં!