ગુજરાત / લાંચિયા અધિકારીને પકડવા ACBનો ફૂલપ્રૂફ પ્લાન, ફરિયાદી મુદ્દે ACBએ પરિપત્ર કર્યો જાહેર

• લાંચિયા અધિકારીને પકડવા ACBનો પ્લાન તૈયાર
• 'ફરિયાદીને નહીં થાય મુશ્કેલી'
• ACBના અધિકારીઓ ફરિયાદીને કરશે મદદ

રાજ્યમાં લાંચિયા અધિકારી વિરુદ્ધ ફરિયાદ કરનારા લોકોને હવે કોઈ પ્રકારની મુશ્કેલી પડશે નહીં. ACBએ આવા લોકો માટે કેર પ્રોગ્રામની શરૂઆત કરી છે. કેરિંગ ઓફ એપ્લિકન્ટ એન્ડ રિસ્પોન્ડીંગ ઇફેક્ટિવલી કાર્યક્રમ અંતર્ગત એન્ટીકરપ્શન બ્યુરોના અધિકારીઓ છેલ્લા 7 વર્ષમાં નોંધાયેલા ગુનાના ફરિયાદીઓ સાથે મુલાકાત કરશે. જેમાં આ લોકોને કોઈ પ્રકારની હેરાનગતિ થાય છે કે નહીં તે અંગે માહિતી મેળવશે. 

સુમેળ ભર્યું વર્તન કરવાનો રહેશે
ACBએ આ કાર્યક્રમ અંતર્ગત એક પરિપત્ર પણ બહાર પાડ્યો છે. જેમાં ACBમાં આવતા વ્યક્તિ સાથે સુમળ ભર્યું વર્તન કરવાનો ઉલ્લેખ કરવામાં આવ્યો છે. સાથે આદેશ આપવામાં આવ્યો છે કે, ફરિયાદીને ફરિયાદ બાદ આક્ષેપિત વિભાગ દ્વારા કોઈપણ હેરાનગતિ નહીં થાય તેવી ખાતરી આપો. આ ઉપરાંત ફરિયાદીને ફરિયાદના કામે મદદરૂપ થવા વાહન કે અન્ય કોઈ લોજિસ્ટિક સપોર્ટની જરૂર હોય તો સબંધિત એકમનાં મદદનીશ નિયામકએ વ્યવસ્થા કરી આપવી. જરૂર જણાયે ફરિયાદીને ઇલેક્ટ્રીક સંસાધનોના ઉપયોગ બાબતે સમજ કરવાની રહેશે. ઉપરાંત ફરિયાદીને ફરિયાદ કર્યા બાદ કોર્ટમાં કેસ ચાલે ત્યાં સુધી આરોપી તરફથી કોઈ પણ પ્રકારની હેરાનગતિ કરવામાં નહીં આવે તેની ખાતરી આપવી.

વાંચવા જેવું: Padma Awards: પદ્મ પુરસ્કારનું એલાન: હાથીની પરી સહિત 34ને મળશે પદ્મ શ્રીનું સન્માન

સબંધિત એકમને વ્યવસ્થા કરવાની રહેશે
ફરિયાદીને ફરિયાદના કામે મદદરૂપ થવા વાહન કે અન્ય કોઈ લોજિસ્ટિક સપોર્ટની જરૂર હોય તો સબંધિત એકમનાં મદદનીશ નિયામકએ વ્યવસ્થા કરી આપવાની રહેશે. સાથો સાથ જરૂર જણાયે ફરિયાદીને ઇલેક્ટ્રીક સંસાધનોના ઉપયોગ બાબતે સમજ કરવાની રહેશે. ઉપરાંત ફરિયાદીને ફરિયાદ કર્યા બાદ કોર્ટમાં કેસ ચાલે ત્યાં સુધી આરોપી તરફથી કોઈ પણ પ્રકારની હેરાનગતિ કરવામાં નહીં આવે તેની ખાતરી આપવી પડશે