લોકસભા ચૂંટણીના ત્રીજા તબક્કાનું મતદાન શરૂ થઈ ગયું છે. અત્રે જણવીએ કે, લોકસભા ચૂંટણીના ત્રીજા તબક્કામાં ગુજરાત સહિત 12 રાજ્ય અને કેન્દ્રશાસિત પ્રદેશની 93 લોકસભા બેઠકો પર મતદાન ચાલી રહ્યું છે. જેમાં ગુજરાતની 25 લોકસભા અને 5 વિધાનસભા બેઠકોનો સમાવેશ થાય છે. આજે મોડી સાંજ સુધીમાં ગુજરાતના 266 ઉમેદવારોનું ભાવી EVMમાં કેદ થવાનો છે. ત્યારે ગુજરાતીની ઘણી બેઠકો એવી છે જે આ વખતે ખૂબ જ ચર્ચામાં રહી છે, તેવી હોટ સીટના ઉમેદાવરો વિશે જાણીશું.
ઉમેદવાર: અમિત શાહ, ભાજપ
કોણ છે અમિત શાહ?
અમિત શાહ દેશના ગૃહમંત્રી છે. ગાંધીનગર લોકસભાથી બીજી વાર મેદાને ઉતર્યા છે. 2019માં અમિત શાહ 5 લાખથી વધુ મતની સરસાઈથી જીત્યા છે. ગૃહમંત્રી તરીકેના કાર્યકાળમાં અનેક મહત્વના નિર્ણય લેવામાં આવ્યા છે. કલમ 370 દૂર કરવાનો ઐતિહાસિક નિર્ણય તેમના કાર્યકાળમાં લેવાયો છે. અગાઉ રાજ્યસભા સાંસદ તરીકે રહ્યા અને ભાજપના રાષ્ટ્રીય અધ્યક્ષપદે રહ્યા છે.
ઉમેદવાર- સી આર પાટીલ, ભાજપ
નવસારી લોકસભા બેઠક
નવસારી લોકસભા બેઠક 2008માં થયેલા મતક્ષેત્રના નવા સિમાંકન બાદ અમલમાં આવી છે. અત્રે જણાવીએ કે, અગાઉ નવસારી જિલ્લાનો વલસાડ લોકસભા બેઠકમાં સમાવેશ થતો હતો. 2009થી આ બેઠક પર જીતતા આવેલા સી.આર. પાટીલને રિપીટને ભાજપે રિપીટ કર્યાં છે
ઉમેદવાર- ગેનીબેન ઠાકોર, કોંગ્રેસ
કોણ છે ગેનીબેન ?
ગેનીબેન ઠાકોર કોંગ્રેસના નેતા છે. 2017માં તેઓ વાવમાંથી ભાજપના દિગ્ગજ નેતા શંકર ચૌધરીને હરાવીને પ્રથમ વખત ધારાસભ્ય બન્યા હતા. ગેનીબેન 2012માં વાવમાંથી ગુજરાત વિધાનસભાની ચૂંટણી લડ્યા હતા પરંતુ હારી ગયા હતા. ત્યારબાદ તેઓ વાવ મતવિસ્તારમાંથી 2017ની ગુજરાત વિધાનસભાની ચૂંટણી લડ્યા અને 6655 મતોના માર્જિનથી જીત્યા હતા. ગેનીબેન 2022માં ફરીથી ચૂંટાઈ ધારાસભ્ય બન્યા છે. 2019 માં ગેનીબેન ઠાકોરે સમાજની અપરિણીત છોકરીઓ માટે મોબાઇલ ફોન પ્રતિબંધ મૂકવાના સમાજના નિર્ણયને ટેકો આપ્યો હતો. ત્યારે તે લાઇમલાઇટમાં આવ્યા હતા.
ઉમેદવાર- અમિત ચાવડા
કોણ છે અમિત ચાવડા?
અમિત ચાવડા આંકલાવના ધારાસભ્ય છે. OBC સમાજનો અગ્રણી ચહેરો છે. સ્થાનિક સ્તરે એકંદરે સ્વીકૃત ચેહરો છે. નિર્વાદિત છબી અને મધ્ય ગુજરાતમાં પીઢ કોંગ્રેસીઓ સાથે નિકટતા છે. ઇશ્વર ચાવડાના પૌત્ર અને ભરતસિંહના પિતરાઇ ભાઇ છે.
ઉમેદવાર- પુરૂષોત્તમ રૂપાલા, ભાજપ
ચર્ચાસ્પદ બેઠક રાજકોટ
રાજકોટ લોકસભા બેઠક ભાજપનો ગઢ માનવામાં આવે છે. પરશોત્તમ રૂપાલા ઉમેદવાર જાહેર થયા બાદ આ સીટ પર કોંગ્રેસ પરેશ ધાનાણીને મેદાને ઉતાર્યા છે. પરશોત્તમ રૂપાલાએ કરેલી ટિપ્પણી બાદ આ બેઠક ખૂબ જ ચર્ચામાં રહી હતી
ઉમેદવાર- ચૈતર વસાવા, આપ (ઈન્ડિયા ગઠબંધન)
કોણ છે ચૈતર વસાવા?
12 વર્ષથી રાજકારણમાં સક્રિય છે. પત્ની 2 વખત નર્મદા જિલ્લા પંચાયતના સભ્ય રહી ચુક્યાં છે. ડેડિયાપાડા વિધાનસભા બેઠકમાં AAP પાર્ટીની ટિકિટ પરથી ધારાસભ્ય બન્યા હતા. 55.9 ટકા વોટ સાથે ધારાસભ્ય બન્યા હતા. ભાજપના હિતેશકુમાર વસાવા અને કોંગ્રેસના જેરમાબેન વસાવાને હરાવ્યાં હતાં. ઈન્ડિયા ગઠબંધને ભરૂચ બેઠક પર લોકસભા ટિકિટ આપી હતી.
ઉમેદવાર- મનસુખ વસાવા, ભાજપ
કોણ છે મનસુખ વસાવા?
મનસુખ વસાવા 6 ટર્મથી સાંસદ છે. 1989થી આ બેઠક પરથી 6 ટર્મ મનસુખ વસાવા ચૂંટાયા છે. 1998,1999,2004,2009,2014 અને 2019માં ચૂંટાયા છે. ભાજપે મનસુખ વસાવાને 7મી ટર્મ માટે ટિકિટ આપી છે. 1994માં ગુજરાત સરકારમાં મંત્રી હતા.
ઉમેદવાર- મનસુખ માંડવિયા, ભાજપ
કોણ છે મનસુખ માંડવિયા ?
માંડવિયા એક ખેડૂત પરિવારમાંથી આવે છે, માંડવિયા 2002માં પાલીતાણા મતવિસ્તારમાંથી ચૂંટાયા ત્યારે ગુજરાતના સૌથી યુવા ધારાસભ્ય બન્યા હતા.તેઓ સૌપ્રથમ 5 જુલાઈ, 2016ના રોજ કેન્દ્રીય કેબિનેટમાં રોડ ટ્રાન્સપોર્ટ અને હાઈવે, શિપિંગ અને કેમિકલ્સ અને ફર્ટિલાઇઝર્સ રાજ્ય મંત્રી બન્યા હતા. તો 2019માં સ્વતંત્ર હવાલા સાથે રસાયણ અને ખાતર રાજ્ય મંત્રી બન્યા હતા.
ઉમેદવાર- ઉમેશ મકવાણા, આપ
ઉમેશ મકવાણા કોણ છે ?
ઉમેશ મકવાણા આમ આદમી પાર્ટીના નેતા અને ધારાસભ્ય છે. 2022માં આમ આદમી પાર્ટીના સભ્ય તરીકે બોટાદ વિધાનસભા મતવિસ્તારમાંથી ચૂંટણી લડ્યા અને જીત્યા હતાં. તેમના પિતાનું નામ નારણ મકવાણા છે. ઉમેશ મકવાણા સામે ભાજપે નિમુબેન બાંભણિયાને મેદાનમાં ઉતાર્યા છે
જાણીએ, અન્ય કેટલીક હોટ શીટના ઉમેદાવરો કોણ છે ?
