Gold Price Update / યુદ્ધના લીધે 'સોના'ના ભાવમાં થઇ શકે ધમાકેદાર બ્લાસ્ટ, કિંમત આસમાને આંબે તો નવાઇ નહીં!

મિડલ ઇસ્ટમાં વધતા યુદ્ધના માહોલ વચ્ચે વૈશ્વિક બજારોમાં અસ્થિરતા ફરી તેજ બની છે. United States દ્વારા Iran પર હુમલા બાદ પરિસ્થિતિ વધુ ગંભીર બની છે, જ્યારે Israelએ પણ મિસાઇલ હુમલાઓ શરૂ કર્યા હોવાનું જાણવા મળ્યું છે. જવાબી કાર્યવાહી તરીકે ઇરાને અમેરિકી હિતોને નિશાન બનાવ્યા હોવાના અહેવાલો છે. આ જિયો-પોલિટિકલ ટેન્શનના સીધા પ્રભાવ રૂપે સોનું અને ચાંદી જેવી સુરક્ષિત સંપત્તિમાં તેજી જોવા મળી શકે છે.

બજાર નિષ્ણાતોના જણાવ્યા અનુસાર જો યુદ્ધ લાંબો સમય ચાલે છે તો દેશના વાયદા બજારમાં સોનાની કિંમતોમાં આશરે ₹23,000 એટલે કે લગભગ 15% સુધીનો ઉછાળો આવી શકે છે. હાલના લેવલની સરખામણીમાં સોનાના ભાવ 1.85 લાખ રૂપિયા પ્રતિ 10 ગ્રામ સુધી પહોંચી શકે છે. કેટલીક આગાહીઓ મુજબ સોમવારે બજાર ખુલતા જ સોનામાં 10% સુધીનો જમ્પ જોવા મળી શકે છે, જે ભાવને 1.75 લાખ રૂપિયા પ્રતિ 10 ગ્રામ પાર લઈ જઈ શકે છે.

કેડિયા એડવાઈઝરીના ડિરેક્ટર અજય કેડિયાના મત મુજબ યુદ્ધની અનિશ્ચિતતા સોનાને નવો ટ્રિગર આપશે. તેમનું માનવું છે કે રોકાણકારો સલામત આશ્રય તરીકે સોનામાં મૂડી નાખશે, જેના કારણે ભાવ 1.85 લાખ સુધી જઈ શકે છે. કમોડિટી નિષ્ણાત અનુજ ગુપ્તાએ પણ કહ્યું છે કે શરૂઆતના ટ્રેડિંગ સેશનમાં જ સોનાના ભાવમાં નોંધપાત્ર ઉછાળો જોવા મળી શકે છે.

ચાંદીના ભાવમાં પણ તેજીનું વલણ દેખાઈ રહ્યું છે. નિષ્ણાતોના અંદાજ મુજબ ચાંદી 3 લાખ રૂપિયાનો લેવલ ફરી પાર કરી શકે છે. કેટલાક અનુમાન પ્રમાણે ચાંદી 3.20 લાખ રૂપિયા પ્રતિ કિલોગ્રામ સુધી જઈ શકે છે, જ્યારે કેટલાક વિશ્લેષકો 2.90 થી 3 લાખ રૂપિયાના રેન્જની આગાહી કરે છે. હાલના લેવલની તુલનામાં ચાંદીમાં ₹20,000 થી ₹40,000 સુધીનો વધારો શક્ય માનવામાં આવે છે.

હાલની કિંમતોની વાત કરીએ તો દેશના વાયદા બજારમાં સોનાનો ભાવ ₹2,395ની તેજી સાથે 1,62,104 રૂપિયા પ્રતિ 10 ગ્રામ પર બંધ થયો હતો. 29 Januaryના રોજ સોનાએ 1,93,096 રૂપિયા પ્રતિ 10 ગ્રામનો લાઇફ ટાઈમ હાઈ સ્પર્શ્યો હતો. બીજી તરફ ચાંદીના ભાવમાં પણ ₹14,691 પ્રતિ કિલોગ્રામનો ઉછાળો નોંધાયો હતો અને ભાવ 2,82,644 રૂપિયા પ્રતિ કિલોગ્રામ પર બંધ થયો હતો. ચાંદી અગાઉ 4.20 લાખ રૂપિયા પ્રતિ કિલોગ્રામના લાઇફ ટાઈમ હાઈ સુધી પહોંચી ચૂકી છે.

વિશ્લેષકોનું માનવું છે કે જો યુદ્ધ વધુ વિસ્તરે અને પરમાણુ સુવિધાઓને નિશાન બનાવવામાં આવે તો વૈશ્વિક સપ્લાય ચેઇન પર અસર પડશે. પરિણામે રોકાણકારો વધુ પ્રમાણમાં સોનું અને ચાંદી તરફ વળશે. આવી પરિસ્થિતિમાં કિંમતોમાં વધુ તેજી આવવાની સંભાવના નકારી શકાય નહીં.

આ પણ વાંચોઃ શેર બજારને 'શુક્રવાર' ન ફળ્યો! સેન્સેક્સ 1000 પોઇન્ટ પર ધડામ, રૂપિયો પણ નબળો પડ્યો

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

આ પરિસ્થિતિ રોકાણકારો માટે તક અને જોખમ બંને લઈને આવી છે. ટૂંકા ગાળામાં ભારે ઉતાર-ચઢાવ જોવા મળી શકે છે, જ્યારે લાંબા ગાળામાં યુદ્ધની અવધિ પર આધારિત દિશા નક્કી થશે. મિડલ ઇસ્ટની ઘટનાઓ હવે સીધી રીતે ભારતીય બજાર અને રોકાણકારોના નિર્ણયો પર અસર કરી રહી છે.