અનોખું / ખાસ વિશિંગ બેલ વગાડી મૂકો ચિઠ્ઠી, ગણેશજી બધી મનોકામના કરશે પરિપૂર્ણ, ગુજરાતમાં અહીં ટેલર પરિવારના ગણપતિ પ્રખ્યાત

• સુરતના વેસુ વિસ્તારમાં અનોખા ગણેશજી
• અમરનાથની થીમ પર બનાવ્યા  
• ખાસ વિશિંગ બેલ મુકવામાં આવી
• ભક્તો ચિઠ્ઠીમાં વિશ લખી કાચની પેટીમાં નાખે છે

સુરતના વેસુ વિસ્તારમાં ટેલર પરિવારે આ શ્રીજીનું અમરનાથની થીમ પર સ્થાપન કરવામાં આવ્યું છે. જ્યા ખાસ વિશીંગ બેલ મૂકવામાં આવ્યો છે.  જેના થકી અનેક ભક્તોની મનોકામના પૂર્ણ થતી હોવાનો પણ દાવો કરાઈ રહ્યો છે. જેને લઈને આસપાસથી પણ મોટી સંખ્યામા લોકો પોતાની મનોકામના કાગળમાં લખી બાપાને અર્પણ કરી દર્શન કરે છે.

આજથી ત્રણ વર્ષ પહેલાં ટ્રેલર દંપતીને એવો વિચાર આવ્યો કે...
સુરતમાં પણ અનેક જગ્યા એ શ્રીજીનું સ્થાપન કરાયું છે. જોકે સુરતમાં એક એવા પણ ગણપતિ બિરાજે છે.જેને કાગળમાં પોતાની મનોકામના લખીને આપવાથી તે મનોકામના પૂર્ણ કરે છે. તેથી જ તેમને કામના પૂર્તિ ગણેશ પણ કહેવામાં આવે છે.સુરતના વેસુ વિસ્તારમાં આવેલ સ્ટાર ગેલેક્સી એપાર્ટમેન્ટમાં રહેતા ગજાનન ટેલર અને તેમનો પરિવાર છેલ્લા ઘણા વર્ષ થી ગણપતિ બાપાનું વિધિવત સ્થાપન કરી તેની પૂજા અર્ચના કરે છે. આજથી ત્રણ વર્ષ પહેલાં ટ્રેલર દંપતીને એવો વિચાર આવ્યો કે જેનાથી આ ગણપતિ દાદા દર્શનાર્થીઓ સૌના ભાગ્યવિધાતા બની ગયા છે.

કાચની પેટી બનાવી

ટેલર દંપતીએ લોકોની મનોકામના પૂર્ણ કરવા માટે એક કાચની પેટી બનાવી છે. તેની અંદર ભક્તો પોતાની મનોકામના લખી અને પેટીની અંદર નાખી બેલ વગાડી બાપા પાસે મનોકામના માંગે છે અને આ મનોકામનાની ચિઠ્ઠીઓ બાપાની સાથે જ વિસર્જન કરવામાં આવે છે. આ થીમ શરૂ કર્યા બાદ ભક્તોની મનોકામના પૂર્ણ થવા લાગતા મોટી સંખ્યામાં આસપાસના વિસ્તારમાંથી ભાવિ ભક્તો ઉમટી પડે છે. અત્યાર સુધી અનેક લોકીની મનોકામના પૂર્ણ થઇ હોવાનો પણ દાવો કરવામાં આવી રહ્યો છે.

આ વર્ષે અમરનાથની થીમ પર ગણપતિની સ્થાપના કરવામાં આવી છે. અત્યારના સમયમાં લોકો અમરનાથ સુધી દર્શન કરવા જઈ ના શકતા હોય તે લોકો અહીંયા દર્શન કરવા આવી અને મનોકામના પૂર્તિ ગણપતિના દર્શન કરે છે. ટેલર દંપતીએ જે રીતે અમરનાથમાં કબૂતર ની જોડી છે તેજ રીતે કબુતરની લાઈવ જોડી મુકવાના આવી છે. મહત્વનું છે કે આયોજક દંપતિ દ્વારા વિવિધ સેવાકીય પ્રવૃત્તિ પણ કરે છે. જેમ કે વિકલાંગ ,માનસિક વિકલાંગ ,અનાથ આશ્રમ ,વૃદ્ધાશ્રમમાં રહેતા લોકો માટે ધાર્મિક પ્રવાસ સહિતના કાર્યોનો સમાવેશ થાય છે.