ઘટના / રાત્રિના સમયે દીવ જવાનું ટાળજો! બે પર્યટકોને થયો કડવો અનુભવ, પોલીસે આદરી તપાસ

દીવમાં રાત્રિના સમય ફરવા જતા પ્રવાસીઓ માટે ચેતવણી જનક કિસ્સો સામે આવ્યો છે. કારણ કે દીવમાં પ્રવાસીઓ સાથે લૂંટની ઘટના બની છે. બોટાદથી દીવ ફરવા આવેલા બે પર્યટકો ચાકુની અણીએ લૂંટાયા છે.

રાત્રે દીવ ફરવા આવતા પ્રવાસીઓ ચેતજો!

બોટાદના ગઢડાથી બાઇક પર આવેલા પિતરાઇ ભાઇઓને લૂંટારૂઓએ લૂંટી લીધાની ફરિયાદ નોંધાઈ છે. હોટેલમાં રૂમ આપવાના બહાને 2 શખ્સો લૂંટ ચલાવી ફરાર થઈ ગયા હતાં. જેના પગલે પોલીસને જાણ કરતા પોલીસે ચક્રો ગતિમાન કર્યા છે.

આ પણ વાંચો: 'નાની ઉંમરે કૌશલ્ય જોઈ અનહદ આનંદ', PM મોદીએ વડોદરાની દિવ્યાંગ ચિત્રકારને લખ્યો પત્ર, દિવાળી બની યાદગાર

3 મોબાઇલ, 11 હજાર રોકડાની લૂંટ

માંડવી ગામના અવાવરુ વિસ્તારમાં લૂંટારૂએ યુવકોને લઈ જઈ 3 મોબાઇલ, 11 હજાર રોકડ લૂંટી લીધા હતા. જે સમગ્ર ઘટનાની જાણ નવા બંદર મરીન પોલીસને કરતા પોલીસે તપાસ હાથ ધરી છે. જો કે, આ પ્રર્યટક સ્થળે આવા બનાવને લઈ પોલીસ કામગીરી પર પણ સવાલો ઉભા થયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ