રોકાણની તક / રોકાણકારો માટે ગોળ-ઘાણા, ચાલુ સપ્તાહમાં IPOની પૂરબહાર, ગોલ્ડ અને IT કંપનીના ઓફર પર ચાતક નજર

• ચાલુ  સપ્તાહમાં બે IPO ખુલશે
• એક ગોલ્ડ સેક્ટર અને બીજો આઈટી સેક્ટરનો IPO
• સેન્કો ગોલ્ડ અને સિનોપ્ટિક્સ ટેક્નોલોજીનો IPO ખુલશે

જો તમે પણ IPOમાં પૈસા રોકવાનું વિચારી રહ્યા છો તો આ સમાચાર ખાસ વાંચી લો કારણ કે આમાં તમને અમે ખાસ બે આઈપીઓ વિશે માહિતી આપવાના છે અને જે ચાલુ સપ્તાહમાં આવવાના છે. આવતા સપ્તાહમાં કુલ બે IPO ખુલવા જઈ રહ્યા છે જેમાંથી એક ગોલ્ડ સેક્ટર અને બીજો આઈટી સેક્ટરનો છે.  

સેન્કો ગોલ્ડનો IPO
સેન્કો ગોલ્ડએ ભારત ભરમાં જાણીતી ગોલ્ડ જ્વેલરી બ્રાન્ડ છે જેની સ્થાપના 1994માં થઈ હતી. આ જ્વરી બ્રાન્ડ કંપની ગોલ્ડ, ડાયમંડ, સિલ્વર, પ્લેટિનમ અને અન્ય કિંમતી વસ્તુનો બિઝનેશ કરે છે. સેન્કો ગોલ્ડ આઈપીઓની પ્રાઇસ બેન્ડ શેર દીઠ રૂપિયા 301થી 307 રાખવામાં આવ્યા છે તેમજ તેની લોટ સાઈઝ 47 શેર રાખવામાં આવી છે. વધુમાં કહીએ તો IPO 4 જુલાઈથી 6 જુલાઈ દરમિયાન ખુલશે અને IPOનો લિસ્ટીંગ BSE અને NSE પર થશે. IPOમાંથી મળેલા પૈસાના કંપની વર્કિંગ કેપિટલ ઉપયોગ કરશે. નાણાકીય વર્ષ 2022-23માં કંપનીની સંપત્તિ 2905 કરોડ રૂપિયા દર્શાવી હતી અને કંપનીની આવક 4108.54 કરોડ અને નફો 158.48 કરોડ રૂપિયા હતો.

સિનોપ્ટિક્સ ટેક્નોલોજીનો IPO
સિનોપ્ટિક્સ ટેક્નોલોજીએ SME IPO છે તેનું સબ્સ્ક્રિપ્શન 30 જૂને ખુલ્યું હતું અને 5 જુલાઈ 2023ના રોજ બંધ થશે. કંપનીના શેરની કિંમત 237 રૂપિયા પ્રતિ શેર નક્કી કરવામાં આવી છે. કંપનીનો ઈશ્યુ રૂ. 54.03 કરોડ છે તેમાંથી રૂ.35.08 કરોડનો નવો ઈશ્યુ અને રૂ.18.96 કરોડની ઓફર ફોર સેલ હશે તેની લોટ સાઈઝ 600 શેર છે. કંપની IT સેક્ટરમાં બિઝનેસ ધરાવે છે અને તેણે તાજેતરમાં BSNL સાથે જોડાણ પણ કર્યું છે. વધુમાં જણાવીએ તો કંપની સરકારી સંસ્થાઓ સિવાય ટાટા કોમ્યુનિકેશન્સ, બ્લુ ડાર્ટ એક્સપ્રેસ લિ., શોપર્સ સ્ટોપ લિ., હેન્સ એન્ડ મૌરિટ્ઝ જેવી કંપનીઓને પણ સેવાઓ પૂરી પાડે છે.