રજૂઆત / પુરુષ અને સ્ત્રીના શૌચાલયમાં ટ્રાન્સજેન્ડરને અનેક તકલીફ, આ માંગ સાથે ગુજ. હાઈકોર્ટમાં અરજી, પક્ષકારોને નોટિસ પણ ઈશ્યૂ

• ટ્રાન્સજેન્ડર માટે અલગ શૌચાલયની માગ
• શૌચાલયની માગ સાથે હાઈકોર્ટમાં અરજી
• 16 જૂનના રોજ વધુ સુનાવણી હાથ ધરાશે

રાજ્યમાં જાહેર સ્થળોએ ટ્રાન્સજેન્ડર માટે અલગ શૌચાલયની માંગ સાથે હાઈકોર્ટમાં  અરજી કરવામાં આવી હતી. ત્યારે પુરૂષ અને સ્ત્રીનાં શૌચાલયમાં ટ્રાન્સજેન્ડરને અનેક તકલીફ પડતી હોવાની અરજદાર દ્વારા રજૂઆત કરવામાં આવી હતી. ત્યારે સ્વચ્છ ભારત મિશન અંતર્ગત થયેલી જાહેરાત બાદ પણ અલગ શૌચાલય બન્યા નથી તેવી અરજદાર દ્વારા રજૂઆત કરવામાં આવી છે. 
વધુ સુનાવણી 16 જૂનનાં રોજ હાથ ધરાશે
જાહેર સ્થળોએ ટ્રાન્સજેન્ડર માટે કોઈ અલગ વ્યવસ્થા ન હોવાનાં કારણે અરજદાર દ્વારા આ મુદ્દે હાઈકોર્ટમાં અરજી કરી છે. ત્યારે આ મુદ્દે કોર્ટ હસ્તક્ષેપ કરી જરૂરી નિર્દેશો આપે તેવી અરજદારની માંગણી છે. હાઈકોર્ટ દ્વારા પ્રાથમિક રીતે અરજી સ્વીકારી છે. તેમજ હાઈકોર્ટે કેન્દ્ર સરકાર સહિતનાં પક્ષકારોને નોટિસ પણ ઈશ્યું કરી છે. હવે આ મુદ્દે વધુ સુનાવણી 16 જૂનનાં રોજ હાથ ધરવામાં આવશે.

દિલ્હીમાં પણ આ બાબતે  PIL કરવામાં આવી છેઃ અરજદારનાં વકીલ
આ બાબતે અરજદારનાં વકીલ વીલવ ભાટિયાએ જણાવ્યું હતું કે, હાઈકોર્ટમાં જે PIL કરવામાં આવી છે.  જેમાં ટ્રાન્સજેન્ડર જે કોમ્યુનિટી હોય છે જેને થર્ડ જેન્ડર પણ કહેવાય છે. તો તેના માટે એક સેપ્રેટ ડેઝીગ્નેનેડ ટોયલેટની પણ વ્યવસ્થા કરવામાં આવે તેવી માંગણી કરવામાં આવી છે. સ્વચ્છ ભારત મિશનમાં પણ તેનો ઉલ્લેખ કરેલો છે કે ટ્રાન્સજેન્ડર માટે એટ સેપ્રેટ ડેઝીગ્નેટેડ ટોયલેટ હોવું જોઈએ. અને દિલ્હી હાઈકોર્ટમાં પણ આ પ્રકારની PIL થયેલી છે. અને તેમાં ઓર્ડર પણ થયેલો છે. જેમાં 500 ટોયલેટ બાંધવાનો ઓર્ડર થયો છે. જેમાં 10 થી 11 ટોયલેટ બંધાઈ પણ ગઈ છે. અને તે મેટર પેન્ડીંગ છે.   તેમજ તેમાં દરેક હિયરીંગ પર રિપોર્ટ કરવાનો હોય છે.  કે આમાં કેટલું ડેવલપમેન્ટ થયું. કેટલી ટોયલેટ બંધાઈ. ત્યારે હાલ તો કોર્ટે નોટીસ ઈશ્યું કરેલી છે. તેમજ વધુ સુનાવણી 16 જૂનનાં રોજ હાથ ધરાશે.