દુઃખદ બનાવ / સુરેન્દ્રનગરના ધોળીધજા ડેમમાં એક સાથે ત્રણ સગીરો ડૂબ્યા, પરિવારના કરૂણ આક્રંદથી વાતાવરણ ગમગીન

• ડેમમાં ડૂબેલા ત્રણ સગીરના મળ્યા મૃતદેહ
• ગઈકાલે ડેમમાં ડૂબ્યા હતા ત્રણ સગીર
• ત્રણેયના મૃતદેહને ડેમમાંથી બહાર કઢાયા

સુરેન્દ્રનગર જિલ્લામાંથી ખૂબ જ દુઃખદ સમાચાર સામે આવી રહ્યા છે. સુરેન્દ્રનગરના ધોળીધજા ડેમમાં ડૂબી જવાથી ત્રણ સગીરોના મૃત્યુ નીપજ્યા છે. ફાયર વિભાગની ટીમ દ્વારા ભારે જહેમત બાદ ત્રણેય સગીરોના મૃતદેહોને ધોળીધજા ડેમમાંથી બહાર કાઢવામાં આવ્યા છે. હાલ ત્રણેય સગીરના મૃતદેહને પીએમ અર્થે હોસ્પિટલ લઈ જવાયા છે.

સુરેન્દ્રનગરના ધોળીધજા ડેમમાં ડૂબી જવાથી ત્રણ સગીરના મોત, ડેમમાં ન્હાવા જતાં પાણીમાં થયા હતા ગરકાવ, ફાયર વિભાગની ટીમે શોધખોળ હાથ ધરી મૃતદેહોને બહાર કાઢ્યા#surendranagar #vtvgujarati #breaking pic.twitter.com/NG0AAtgSqz

— VTV Gujarati News and Beyond (@VtvGujarati) May 21, 2023

ડેમમાં ન્હાવા પહોંચ્યા હતા 5 મિત્રો
મળતી માહિતી અનુસાર, સુરેન્દ્રનગરના તેજસ, શ્રેય અને મહેશ નામના સગીરો અન્ય 2 મિત્રો સાથે ગઈકાલે સાંજે ધોળીધજા ડેમામાં ન્હાવા માટે ગયા હતા. આ દરમિયાન ત્રણ સગીરો ડેમમાં ન્હાવા માટે કૂદ્યા હતા, જ્યારે બે બહાર બેસીને મોબાઈલમાં ગેમ રમી રહ્યા હતા. આ દરમિયાન ડેમમાં ન્હાવા પડેલા ત્રણેય સગીરો એકાએક પાણીમાં ડૂબી ગયા હતા. જેથી મોબાઈલમાં ગેમ રમી રહેલા મિત્રો દ્વારા આ અંગેની જાણ ફાયર વિભાગ અને પોલીસને કરવામાં આવી હતી.

3 સગીર પાણીમાં થયા હતા ગરકાવ
જે બાદ પોલીસ અને ફાયરની ટીમ ધોળીધજા ડેમ ખાતે દોડી આવી હતી. ફાયર બ્રિગેડની ટીમ દ્વારા ડેમમાં સગીરોનો શોધખોળ હાથ ધરાઈ હતી, રાત પડી ગઇ હોવાથી અને ડેમમાં 18 ફૂટ પાણી હોવાથી ફાયર બ્રિગેડના જવાનોએ ઓપરેશન જોખમી હોવાથી પડતું મૂકીને બહાર નિકળી ગયા છે અને વહેલી સવારથી ફરીથી ઓપરેશન શરૂ કર્યું હતું. 

પરિવારજનોમાં શોકનો માહોલ
આ દરમિયાન ફાયર વિભાગની ટીમને પહેલા બે સગીરોના મૃતદેહ મળી આવ્યા હતા. જેના એકાદ કલાક પછી ત્રીજાનો પણ મૃતદેહ ડેમમાંથી મળી આવ્યો હતો. જે બાદ ત્રણેય સગીરોના પરિવારજનોના આક્રંદથી વાતાવરણમાં ગમગીનીનો માહોલ છવાઇ ગયો છે. 

પોલીસે તપાસ શરૂ કરી
હાલ ત્રણેય સગીરના મૃતદેહને પીએમ અર્થે હોસ્પિટલમાં ખસેડીને પોલીસે કાર્યવાગી હાથ ધરી છે. માતા-પિતાને આ મામલે પૂછતા તેઓએ જણાવ્યું હતું કે, તેમના બાળકો નાસ્તો કરવાનું કહીને ઘરેથી નિકળ્યા હતા.