રોકાણ / 23મી એપ્રિલથી ખુલી રહ્યો છે આ IPO, રોકાણ માટે તૈયાર રહો

JNK India IPO: કોઇ પણ કંપનીનો આઇપીઓ આવી રહ્યો હોય તો તેને ભરવા માટે લોકો ઉત્સુક હોય છે. આઇપીઓમાં મોટેભાગે ખુલે ત્યારે ફાયદો થતો હોય છે. જો તમે IPOમાં નાણાંનું રોકાણ કરવાનું વિચારી રહ્યાં છો, તો આ તમારા માટે ઉપયોગી ડિટેલ્સ છે. બીજી કંપનીનો આઈપીઓ આવતા સપ્તાહથી રોકાણ માટે ખુલશે. આ JNK ઇન્ડિયા લિમિટેડ નો IPO છે. હીટિંગ ઇક્વિપમેન્ટ બનાવતી કંપની JNK ઇન્ડિયા લિમિટેડનો IPO 23 એપ્રિલે ખુલશે. આ ઇશ્યુ એન્કર રોકાણકારો માટે 22 એપ્રિલે ખુલશે. રોકાણ કારો 25 એપ્રિલ સુધી આ ઈશ્યુમાં નાણાં રોકી શકશે. 

શું છે વિગતો?

આઇપીઓમાં રૂ. 300 કરોડ સુધીના નવા શેર જારી કરવામાં આવશે. આ ઉપરાંત પ્રમોટર અને વર્તમાન શેરધારક દ્વારા 84.21 લાખ ઇક્વિટી શેરની ઓફર ફોર સેલ કરવામાં આવશે. IPOમાંથી મળેલી આવકનો ઉપયોગ કાર્યકારી મૂડીની જરૂરિયાતો અને સામાન્ય કંપનીની કામગીરી માટે કરવામાં આવશે.

કંપની બિઝનેસ

કંપની ઓઇલ રિફાઇનરીઓ અને પેટ્રોકેમિકલ પ્લાન્ટ્સ જેવા પ્રક્રિયા ઉદ્યોગો માટે હીટિંગ સાધનોનું ઉત્પાદન કરે છે. કંપની ડિઝાઈનથી લઈને ઈન્સ્ટોલેશન સુધીનું બધું જ સંભાળે છે અને સ્થાનિક અને આંતરરાષ્ટ્રીય બજારોમાં સેવા પૂરી પાડે છે. ભારતમાં તેની મુખ્ય હરીફ થર્મેક્સ લિમિટેડ છે. કંપનીએ ફ્લેર્સ ઇન્સિનેટર સિસ્ટમ્સ માં પણ વિસ્તરણ કર્યું છે અને ગ્રીન હાઇડ્રોજન સાથે રિન્યુએબલ સેક્ટરમાં પ્રવેશ કરી રહ્યું છે.

વાંચવા જેવું: ગુજરાતમાં ગરમીનો પારો જશે આસમાને, બે દિવસનું યલો એલર્ટ જાહેર, અમદાવાદનું તાપમાન 41.3 ડિગ્રીએ

FY23 માટે કંપનીએ એક વર્ષ અગાઉ રૂ. 296.40 કરોડની સરખામણીમાં રૂ. 407.32 કરોડની આવક નોંધાવી હતી. તેમાં તેલ અને ગેસ સેગમેન્ટે આવકમાં 77 ટકા યોગદાન આપ્યું છે. નાણાકીય વર્ષ માટે ચોખ્ખો નફો રૂ. 46.36 કરોડ રહ્યો હતો જે ગયા વર્ષે રૂ. 35.98 કરોડ હતો. 2023 ના પૂરા થતા નવ મહિનામાં કંપનીનું કુલ દેવું રૂ. 56.73 કરોડ હતું.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો