આગાહી / આ વર્ષે કેવું રહેશે ચોમાસું? ખેડૂતો ખાસ જાણી લેજો: જુલાઇ-ઓગસ્ટમાં પડશે સારો વરસાદ

• ચોમાસાને લઈને હવામાન વિભાગે જાહેર કર્યું પૂર્વાનુમાન
• દેશમાં ચોમાસું સામાન્ય રહેશે- હવામાન વિભાગ
• "આ વર્ષે ચોમાસુ સરેરાશ વરસાદનું 96% રહેવાની સંભાવના"

ચોમાસાને લઈને હવામાન વિભાગે પૂર્વાનુમાન જાહેર કર્યું છે. વધુમાં હવામાન વિભાગે જણાવ્યું હતું કે, દેશમાં ચોમાસું સામાન્ય રહેશે. તેમજ આ વર્ષે ચોમાસુ સરેરાશ વરસાદ 96 % રહેવાની સંભાવના છે. દેશમાં દર વર્ષે સરેરાશ 87 % વરસાદ થાય છે. આ વર્ષે 87 %  ના 96 %  વરસાદ રહેશે.  ચોમાસાનો પ્રથમ તબક્કો ખૂબ સારો રહેશે. અલ નિનો જૂન અને જુલાઈમાં ડેવલપ થશે.  ચોમાસાના બીજા તબક્કામાં અલ નિનોના કારણે અસર થશે. રાજ્યમાં જુલાઈથી ઓગસ્ટમાં સારૂ ચોમાસું રહેશે. 

13 એપ્રિલે દક્ષિણ ગુજરાત અને સૌરાષ્ટ્રમાં કમોસમી વરસાદની સંભાવના
રાજ્યનાં ખેડૂતો માટે ફરી માઠા સમાચાર આવ્યા છે. હવામાન વિભાગે ફરી કમોસમી વરસાદની આગાહી કરી છે. તેમજ 13 એપ્રિલે દક્ષિણ ગુજરાત અને સૌરાષ્ટ્રમાં કમોસમી વરસાદની સંભાવના વ્યક્ત કરવામાં આવી છે. ત્યારે સુરત, વલસાડ, નવસારી, તાપી, ડાંગમાં વરસાદની આગાહી નક્કી કરવામાં આવી છે. તેમજ અમરેલી, ગીર સોમનાથ અને ભાવનગરમાં પણ વરસાદની આગાહી નક્કી કરવામાં આવી છે. કમોસમી વરસાદ સાથે ગરમીની પણ આગાહી કરાઈ છે. રાજ્યમાં આગામી 5 દિવસ ગરમીનો પ્રકોપ રહેશે. તેમજ 14 અને 15 એપ્રિલે અમદાવાદમાં હિટવેવની આગાહી પણ કરવામાં આવી છે. 

આ કારણે વરસાદ પડવાની શક્યતા
ગતરોજ હવામાન વિભાગના ડાયરેક્ટર ડો. મનોરમાં મોહંતીએ જણાવ્યું હતું કે, દક્ષિણ-પૂર્વ રાજસ્થાન અને તેની આસપાસના વિસ્તારોમાં ઉદભવેલા સાઇક્લોનિક સર્ક્યુલેશનના પગલે રાજ્યમાં ફરી કમોસમી વરસાદ પડવાની શક્યતા ઊભી થઈ છે. બે દિવસ બાદ થંડરસ્ટોર્મ એક્ટિવિટી સાથે વરસાદ રહેશે. 12, 13 અને 14 એપ્રિલે વરસાદની આગાહી છે. આ દરમિયાન અમરેલી, ભાવનગર, બોટાદ, સુરત, ભરૂચ, વલસાડ, નવસારીમાં વરસાદી માહોલ રહેશે. વરસાદની સાથે જ બે દિવસ ગરમીનું જોર યથાવત રહેશે. રાજ્યમાં 2 ડિગ્રી તાપમાન વધારો નોંધાશે. રાજ્યમાં એક તરફ ગરમી બીજી તરફ કમોસમી માવઠાનો માર રહેશે.

શહેરમાં ગરમીનો પ્રકોપ વધ્યો છે. હવે આખો દિવસ આકરો તાપ રહેતો હોઈ લોકો રાડ પાડી ઊઠ્યા છે. બપોરના સમયે  તો સન્નાટો છવાઈ જાય છે. મ્યુનિ. તંત્ર દ્વારા પણ યલો એલર્ટ જાહેર કરાયું છે. જોકે વરસાદની આફત ટળી છે, જ્યારે રાજ્યમાં આવતી કાલથી સતત ત્રણ દિવસ કમોસમી વરસાદ પડવાની સ્થાનિક હવામાન વિભાગની આગાહીથી જગતનો તાત ફરી વિમાસણમાં મુકાયો છે.