કાર્યક્રમ / ધીરેન્દ્ર શાસ્ત્રીના દરબારમાં અફરા-તફરી.! ઘણા શ્રદ્ધાળુઓ ઘાયલ થતાં હોસ્પિટલમાં દાખલ, જુઓ અચાનક એવું તો શું બન્યું?

• ધીરેન્દ્ર શાસ્ત્રીના દિવ્ય દરબારમાં નાસભાગ મચી
• લાખોની સંખ્યામાં શ્રદ્ધાળુઓ પહોંચતા વ્યવસ્થા ખોરવાઈ
• ભીષણ ગરમીના કારણે લોકોના બેહાલ થયા હતા 

ગ્રેટર નોઈડાના જૈતપુર ખાતે બાગેશ્વર ધામના પંડિત ધીરેન્દ્ર શાસ્ત્રી દ્વારા શ્રીમદ્ ભાગવત કથા કરવામાં આવી રહી છે. બુધવારે આ કાર્યક્રમના ત્રીજા દિવસે ધીરેન્દ્ર શાસ્ત્રી દ્વારા દિવ્ય દરબાર લગાવવામાં આવ્યો હતો. જે દરબારમાં લાખોની સંખ્યામાં શ્રદ્ધાળુઓ પહોંચ્યા હતાં જેના કારણે વ્યવસ્થા ખોરવાઈ હતી. ભીષણ ગરમીના કારણે લોકોના બેહાલ થયા હતા અને લોકોએ દોડાદોડી કરી હતી

ભારે ભીડ ઉમઠી હતી જેનો અંદાજો પણ નહોતો
પાપ્ત માહિતી મુજબ અચાનક ત્યાં નાસભાગ મચી હતી અને જેમાં ઘણાં શ્રદ્ધાળુઓ ઘાયલ થયા હતા જેમને હોસ્પિટલમાં દાખલ પણ કરવામાં આવ્યા હતા. આ દોડાદોડી અંગે આયોજકોએ જણાવ્યું હતું કે, ભક્તો માટે મોટા પાયે વ્યવસ્થા કરી હતી પરંતુ દિવ્ય દરબારને લઈ ભક્તોની ભારે ભીડ ઉમઠી હતી જેનો અંદાજો પણ નહોતો. ખાસ કરીને બાળકો, વૃદ્ધો અને મહિલાઓ ભીડમાં પરેશાન થયા હતા. 

દિવ્ય દરબારને અધવચ્ચે સમાપ્ત કર્યો
બુધવારે દિવ્ય દરબારમાં ઉમટેલી ભારે ભીડ એકઠી થયા બાદ ત્યાં અફરા તફરી સર્જાઈ હતી. જેમાં ઘણા ભક્તો ઘાયલ પણ થયા હતા. જિલ્લા વહીવટીતંત્ર અને પોલીસ ઘટનાસ્થળે પહોંચી અને પરિસ્થિતિને તાંગ મેળવ્યો હતો તેમજ ઘાયલ શ્રદ્ધાળુઓને હોસ્પિટલમાં દાખલ કર્યા હતા જેમની  સારવાર ચાલી રહી છે. કથાસ્થળે અફરાતફરીને લઈ જિલ્લા અને પોલીસ વહીવટી તંત્રે દિવ્ય દરબારને અધવચ્ચે જ અટકાવી દેધો હતો. વહીવટીતંત્રે ભક્તોને ઘરે જઈને ટીવી કે મોબાઈલ પર જ બાબાનું પ્રવચન સાંભળવા અનુરોધ કર્યો હતો. બીજી તરફ આ બાબતે ગંભીરતા જોઈને ધીરેન્દ્ર શાસ્ત્રીએ પણ ભક્તોને કહ્યું કે હવે તેઓ દિવ્ય દરબારને સમાપ્ત કરે છે