- 2024 ની લોકસભાની ચૂંટણીને લઈને દેશમાં રાજકીય ગતિવિધિઓ તેજ
- સર્વેમાં સામે આવ્યા પરિણામ
- ત્રીજી વખત મોદી સરકાર વાજતે ગાજતે સત્તા પર આઉઢ થશે
2024 ની લોકસભાની ચૂંટણીને લઈને દેશમાં રાજકીય ગતિવિધિઓ તેજ બની રહી છે. ચૂંટણી અગાઉ વિપક્ષી દળોએ એક થઈને ઇન્ડિયા નામનું ગઠબંધન બનાવ્યું છે. જ્યારે તેની ટક્કર બીજેપીના નેતૃત્વ વાળી એનડીએ સામે થશે. કોંગ્રેસ, જેડીયું, આમ આદમી પાર્ટી સહિત 26 પક્ષના નેતાઓ સમયાંતરે મીટીંગો કરીને ભાજપને હરાવવાનો દાવો કરી રહ્યા છે. આવી સ્થિતિ વચ્ચે તાજો સર્વે સામે આવ્યો છે. જેમાં ટાઇમ્સ નાઉ નવભારત તથા ઇટીજી દ્વારા સર્વે કરાયો હતો. જેમાં 2024 માં ત્રીજી વખત મોદી સરકાર વાજતે ગાજતે સત્તા પર આઉઢ થતી હોવાનું સામે આવ્યું છે. ભાજપ 288 થી 314 સીટો મેળવી શકે છે તો કોંગ્રેસ 62 થી 80 સીટો મેળવી શકે છે.
સર્વેમાં આટલા લોકો જોડાયા
સર્વેમાં કરાયેલા દવા મુજબ વિપક્ષી ગઠબંધનને 160 થી 190 સીટો મળી શકે છે. જોકે વોટ શેરમાં બરાબરની ટક્કર જોવા મળશે. એનડીએ ને 42 તો ઇન્ડિયા અને 40 ટકા વોટ શેર મળી શકે છે. સર્વે અનુસાર ચૂંટણીમાં એનડીએને 296 થી 326 સીટો મળશે. જ્યારે ઇન્ડિયાને 160 થી 190 અને વાયએસઆરસીપીને 24 થી 25, તથા બીઆરએસને 9 થી 11 અને બીજેડીને 12 થી 14 તથા અન્યના ખાતામાં 11 થી 14 સીટ મળશે. 15 જૂન થી 12 ઓગસ્ટ સુધી ચાલેલા આ સર્વેમાં દાવા મુજબ 10,662 લોકોના મત લેવામાં આવ્યા હતા. જેમાં 60 ટકા લોકો ફોન ઉપર અને 40 ટકા લોકો રૂબરૂ સર્વેમાં જોડાયા હતા.
રાજ્ય વાર આવું રહેશે ચિત્ર
સર્વે અનુઆર મધ્યપ્રદેશમાં NDAને 24-26 જ્યારે ઇન્ડિયાને 3-5 બેઠકો, રાજસ્થાનમાં NDA 20-22 સીટો, ઈન્ડિયાને 2-3 સીટ, હરિયાણામાં એનડીએ 6-8 સીટો તો ઇન્ડિયા 2-4 સીટો પર બાજી મારશે. પંજાબમાં આમ આદમી પાર્ટી ચારથી છ, કોંગ્રેસ ચારથી છ અને ભાજપને બેથી ત્રણ તથા અન્ય એકથી બે બેઠકો જીતશે. આ સિવાય દિલ્હીમાં ભાજપ પાંચથી છ સીટો, ઈન્ડિયા એકથી બે સીટ અને તેલંગાણામાં BRSને 9-11, NDAને 2-3, ઈન્ડિયા એલાયન્સને ત્રણથી ચાર અને અન્યને એક તથા તમિલનાડુમાં 39 બેઠકો ઇન્ડિયા 30-34 બેઠકો અને એનડીએને ચારથી આઠ બેઠકો પોતાને નામ કરશે.
