- 'ડ્રીમ ગર્લ 2'ના ચાહકોએ થોડી વધુ રાહ જોવી પડશે
- રિલીઝ ડેટ ફરી પાછળ ધકેલવામાં આવી
- આયુષ્માન ખુરાનાએ શેર કરી પોસ્ટ
પોતાની અલગ સ્ટાઈલથી અને અલગ સ્ટોરી લાઇનવાળી ફિલ્મો કરીને બધાને પ્રભાવિત કરનાર આયુષ્માન ખુરાના આ દિવસોમાં તેની આગામી ફિલ્મ 'ડ્રીમ ગર્લ 2' માટે ચર્ચામાં છે. જે સમયથી આ ફિલ્મની જાહેરાત થઈ છે ત્યારથી ચાહકો તેની આતુરતાથી રાહ જોઈ રહ્યા છે અને પ્રમોશન માટે ફિલ્મમેકર્સે નવી આઇડિયા અપનાવ્યો છે જેમાં દરેક ખાસ અવસર પર 'ડ્રીમ ગર્લ'ની પૂજાના ચાહકો તેને મળવા માટે નાનકડા વીડિયો સાથે આવે છે અને ચાહકોનો ઉત્સાહ વધારીને જતી રહે છે અને આ ક્રમમાં ફરી એકવાર પૂજા ચાહકોને ફિલ્મ વિશે ખાસ માહિતી આપવા માટે આવી હતી.
'ડ્રીમ ગર્લ 2'ના ચાહકોએ થોડી વધુ રાહ જોવી પડશે
પણ આ માહિતી 'ડ્રીમ ગર્લ 2'ના ચાહકોનું દિલ તોડી શકે છે. જણાવી દઈએ કે સમાચાર એ છે કે ફિલ્મની રિલીઝને આગળ ધપાવવામાં આવી છે.એટલે કે આયુષ્માન ખુરાના દ્વારા કરવામાં આવેલી જાહેરાત અનુસાર 'ડ્રીમ ગર્લ 2'ના ચાહકોએ થોડી વધુ રાહ જોવી પડશે. નોંધનીય છે કે આ ફિલ્મ જે પહેલા 7 જુલાઈએ સિનેમાઘરોમાં આવવાની હતી તે ફરીથી શેડ્યૂલ કરવામાં આવી છે.
આ સાથે જ ફિલ્મની નવી રિલીઝ ડેટ પણ સામે આવી છે જે 25 ઓગસ્ટ 2023 છે. મહત્વનું છે કે રીલીઝમાં વિલંબ થવાનું કારણ ફિલ્મમાં VFX પર કામ કરવાની જરૂરિયાત હોવાનું કહેવામાં આવી રહ્યું છે.
રિલીઝ ડેટ ફરી પાછળ ધકેલવામાં આવી
ડ્રીમ ગર્લ 2 માટે VFX નું કામ ખૂબ સારું હોવું જરૂરી છે કારણ કે આયુષ્માન ખુરાના આ ફિલ્મમાં પૂજા અને કરમ બંનેની ભૂમિકા ભજવશે. ફિલ્મની રિલીઝ ડેટ ફરી પાછળ ધકેલવામાં આવી છે કારણ કે ફિલ્મ મેકર્સ આયુષ્માનને પૂજા તરીકે સ્ક્રીન પર બતાવવામાં કોઈ કસર નથી છોડવા માંગતી.
આયુષ્માન ખુરાનાએ શેર કરી પોસ્ટ
એવામાં જણાવી દઈએ કે આયુષ્માન ખુરાનાએ તેના ઇન્સ્ટાગ્રામ હેન્ડલ પર એક પોસ્ટ શેર કરી, જેમાં લખ્યું હતું, 'મેરે પ્રિયા આશિકો, ચાર વર્ષ પછી તમારા દિલનું ટેલિફોન ફરીથી વાગશે. હવે આ માટેની તૈયારી પણ શાનદાર,ધમાકેદાર અને સ્મુથી હોવી જોઈએ, ખરું ને? તો થોડી રાહ જુઓ, અને પુષ્કળ પ્રેમ મોકલતા રહો. હવે 7 તારીખે નહીં પણ હવે 25મી ઓગસ્ટે મળશુ. ડ્રીમ ગર્લ 2 હવે 25 ઓગસ્ટ, 2023 ના રોજ સિનેમાઘરોમાં રિલીઝ થશે.'
ફિલ્મની રિલીઝ ડેટ ચાર વખત બદલાઈ ચૂકી છે
આયુષ્માનનો 'પૂજા' અવતાર સતત મોટી ફિલ્મો વચ્ચે અટવાયેલો હતો અને અત્યાર સુધીમાં તેની રિલીઝ ડેટ ચાર વખત બદલાઈ ચૂકી છે. સપ્ટેમ્બર 2022માં જ્યારે ફિલ્મની જાહેરાત કરવામાં આવી ત્યારે તેની રિલીઝ ડેટ 29 જૂન 2023 રાખવામાં આવી હતી પણ આ દિવસે કાર્તિક આર્યનની ફિલ્મ 'સત્યપ્રેમ કી કથા' રિલીઝ થવાની છે. જે બાદ નવી તારીખ 23 જૂન રાખવામાં આવી હતી અને ફેબ્રુઆરીમાં ફિલ્મની રિલીઝ ડેટ બદલીને 7 જુલાઈની તારીખ નક્કી કરવામાં આવી હતી. બીજી બાજુ માર્ચમાં અજય દેવગનની 'મેદાન' 23 જૂને આવવાની હતી. એવામાં 'ડ્રીમ ગર્લ 2'ની તાજેતરની રિલીઝ તારીખ 25 ઓગસ્ટ કરવામાં આવી છે.
જણાવી દઈએ કે, 'ડ્રીમ ગર્લ 2' 2019માં રિલીઝ થયેલી સુપરહિટ ફિલ્મ 'ડ્રીમ ગર્લ'ની સિક્વલ છે. ફિલ્મમાં આયુષ્માનની સાથે આ વખતે અનન્યા પાંડે, અનુ કપૂર, પરેશ રાવલ, અસરાની, મનજોત સિંહ અને વિજય રાઝ જેવા ઘણા મુખ્ય કલાકારો છે.
