નિર્ણય / જૂની કારના વેચાણ પર હવે 18 ટકા GST, જાણો કયા લોકો પર લાગુ થશે નવા નિયમો

વપરાયેલી કાર પર GST વધારાની અસર: GST કાઉન્સિલે વપરાયેલી કારના વેચાણ પર લાગુ ગુડ્સ એન્ડ સર્વિસ ટેક્સ (GST) દર 12% થી વધારીને 18% કરવાનો નિર્ણય લીધો છે. અગાઉ વાહનના પ્રકાર પ્રમાણે અલગ-અલગ દર લાદવામાં આવતા હતા. જૂની અથવા સેકન્ડ હેન્ડ કાર પર લાદવામાં આવેલા નવા GST નિયમો (યુઝ્ડ કાર GST દરો) અંગે લોકોના મનમાં ઘણા પ્રશ્નો છે.

જીએસટીના નવા નિયમો કોને લાગુ પડશે?

જીએસટીનો આ નવો નિયમ એ લોકો પર લાગુ થશે જેઓ વપરાયેલી કારનો GST રજિસ્ટર્ડ બિઝનેસ કરે છે. સરકારે સ્પષ્ટતા કરી છે કે આ નિયમ ફક્ત તે જ લોકોને લાગુ પડશે જેઓ જૂની અથવા વપરાયેલી કાર ખરીદવા અને વેચવાનો વ્યવસાય કરે છે, જેમ કે સ્પિની, કાર દેખો, કાર્સ24 જેવી કંપનીઓ. આ વ્યવસાયો માટે GST નોંધણી ફરજિયાત છે, અને તેઓએ 18% GST ચૂકવવો પડશે. નવા નિયમો અનુસાર, રજિસ્ટર્ડ ડીલરોએ જૂની અથવા વપરાયેલી કારના વેચાણ પર માત્ર ત્યારે જ GST ચૂકવવો પડશે જો તેઓ વાહનના વેચાણ પર માર્જિન મેળવે છે આનો અર્થ એ છે કે જ્યારે વેચાણ કિંમત ઘસારા કરતાં વધુ હોય ત્યારે જ તેમને GST ચૂકવવો પડશે નવા નિયમો અનુસાર વાહનની એડજસ્ટેડ કિંમત ચૂકવવી પડશે.

સામાન્ય માણસ પર તેની શું અસર થશે?

જો તમે સામાન્ય નાગરિક છો અને તમારી જૂની કાર વેચવા માંગો છો તો તમારા માટે રાહતની વાત છે. જીએસટીના આ નવા નિયમની સામાન્ય માણસ પર કોઈ અસર નહીં થાય. જો તમે તમારી જૂની કાર વેચો છો, તો તમારે GST ચૂકવવો પડશે નહીં. આ નિયમ ફક્ત તે જ લોકોને લાગુ પડે છે જેઓ વ્યવસાય માટે જૂની કાર ખરીદે છે અને વેચે છે.

વધુ વાંચો : સોનાના ભાવ ઠંડા પડ્યા! ટ્રમ્પ પ્રશાસનની નરમાઈને જોતાં હજું બજાર ઘટે તેવા એંધાણ, જુઓ લેટેસ્ટ રેટ

ખોટમાં વેચવા પર પણ GST ભરવો પડશે?

જો GST રજિસ્ટર્ડ બિઝનેસમેન જૂની કાર વેચે છે અને તેને નુકસાન થાય છે, તો તેણે GST ચૂકવવો પડશે નહીં. GST ત્યારે જ લાગુ થશે જ્યારે કારના વેચાણ પર બિઝનેસમેન નફો કરે, એટલે કે નફા પર GST ચૂકવવો પડશે, પરંતુ નુકસાનના કિસ્સામાં કોઈ ટેક્સ લાગશે નહીં.

વપરાયેલી કારના વેચાણ પર ટેક્સ

હાલમાં, EV સહિત તમામ જૂની અને વપરાયેલી ઓટોમોબાઈલ પર 12% GST લાગે છે. 1200 cc અથવા તેથી વધુની એન્જિન ક્ષમતા અને 4000 mm અથવા તેથી વધુની લંબાઈ ધરાવતી જૂની અને વપરાયેલી પેટ્રોલ કાર, 1500 cc કે તેથી વધુની એન્જિન ક્ષમતા અને 4000 mm લંબાઈવાળી ડીઝલ વાહનો અને SUV 18% માટે પાત્ર છે. હવે GST કાઉન્સિલે EV સહિત તમામ કાર પર 18% GST લાદ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ