સુરક્ષામાં ચૂક / ભારતના દુશ્મનને પંપાળવો પાકિસ્તાનને મોંઘુ પડ્યું, આતંકી જેલ તોડીને ફરાર, સાથે 18 કેદીઓને પણ ભગાડ્યાં

પાકિસ્તાન અધિકૃત કાશ્મીર (POK)ની એક જેલમાં સુરક્ષામાં મોટી ખામી સામે આવી છે. સુરક્ષા ગાર્ડ પર હુમલો કરીને 19 ખતરનાક કેદીઓ અહીંની જેલમાંથી ભાગી ગયા હતા. સોમવારે ઘટનાક્રમના આ ક્રમ વિશે માહિતી આપતા અધિકારીઓએ જણાવ્યું હતું કે ફરાર કેદીઓમાંથી છને મૃત્યુદંડની સજા આપવામાં આવી છે.

સાથે જ ભારતમાં મોસ્ટ વોન્ટેડ એક આતંકી પણ પાકિસ્તાન અધિકૃત કાશ્મીરની જેલમાં બંધ હતો. હવે તે જેલ તોડીને ભાગી ગયો હોવાનું સામે આવ્યું છે. 'જેલ બ્રેક'ની આ ઘટના મંગળવારે પુંછની રાવલકોટ જિલ્લા જેલમાં બની હતી. આ ઘટનામાં 19 કેદીઓ નાસી છૂટ્યા હતા, જેમાંથી કેટલાક ગંભીર ગુનાઓમાં સજા કાપી રહ્યા હતા.

આ ઘટનાનો એક વીડીઓ પણ સામે આવ્યો છે, જેમાં પીઓકેના રાવલકોટમાં જેલ બ્રેક બાદ તમામ ખતરનાક આતંકવાદીઓ એક પછી એક ભાગવા લાગ્યા હતા. જેલની બહાર લાગેલા સીસીટીવી કેમેરામાં આતંકવાદીઓનો જેલમાંથી ભાગી જવાનો વીડિયો કેદ થયો છે.

આ વીડિયોમાં સ્પષ્ટ જોઈ શકાય છે કે આતંકીઓ જેલમાંથી ચૂપચાપ ભાગી રહ્યા છે. જોકે, આતંકીઓ ભાગી જાય તે પહેલા પોલીસને તેનો હવાલો મળી ગયો હતો. પોલીસે કેદીઓને પકડવા ભારે પ્રયાસ કર્યો હતો. પરંતુ આતંકીઓ ભાગવામાં સફળ રહ્યા હતા. પોલીસને ગોળીબાર કરવાની ફરજ પડી હતી. આ ફાયરિંગમાં એક આતંકીનું ઘટનાસ્થળે જ મોત થયું હતું. જેની ઓળખ ખય્યામ સઈદ તરીકે થઈ હતી.

વધુ વાંચો: અબુધાબી બાદ હવે મોસ્કોમાં બનશે હિન્દુ મંદિર, PM મોદીના પ્રવાસ પહેલા રશિયામાં યોજાઇ મહત્વની બેઠક

આ મામલો PoKના રાવલકોટનો છે. PoK પોલીસે જેલમાંથી ફરાર આતંકવાદીઓની યાદી જાહેર કરી છે. આ સાથે આસપાસના વિસ્તારોમાં ભારે પોલીસ બંદોબસ્ત ગોઠવી દેવામાં આવ્યો છે. 19 આતંકવાદીઓની શોધ ચાલી રહી છે. પોલીસે સમગ્ર વિસ્તારમાં સર્ચ ઓપરેશન હાથ ધર્યું છે. જો કે હજુ સુધી કોઈ આતંકવાદી પકડાયાના સમાચાર નથી.

એવું માનવામાં આવી રહ્યું છે કે કેદીઓને ભગાડવાનો માસ્ટરમાઈન્ડ ગાઝી શહજાદ છે જે જેલમાં ટ્રાયલ પર હતો. રિપોર્ટમાં કહેવામાં આવ્યું છે કે ગાઝી શહઝાદ પ્રતિબંધિત સંગઠનનો સભ્ય છે અને તેને ભારતે વોન્ટેડ જાહેર કર્યો છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ