પ્રવાસ / એડવેન્ચર ટ્રીપની મજા લેવી હોય તો પહોંચી જાવ હિમાચલ પ્રદેશના તત્તાપાની

તત્તાપાનીનો અર્થ થાય છે ગરમ પાણી 

એવું કહેવાય છે કે થોડા વર્ષો પહેલા અહીંના લોકલ લોકો સિવાય આ જગ્યા વિશે કોઇ જાણતુ ન હતુ. ઉલ્લેખનીય છે કે તત્તાપાનીની ટ્રિપ બજેટમાં થનારી એડવેન્ચર ટ્રિપ છે. અહીં ઘણી મોટી સંખ્યામાં સહેલાણીઓ આવે છે. આમ તો અહીં વર્ષમાં ગમે તે સમયે આવી શકાય છે, પરંતુ ઠંડકના સમયમાં જ્યારે અહીં ફરવા આવીએ તે સમયની મજા જ કંઇક અલગ છે.

એડવેન્ચર ડ્રાઇવ

શિમલાથી તત્તાપાનીની વચ્ચે લગભગ 50 કિલોમીટરના અંતરે એડવેન્ચર ડ્રાઇવની મજા લઇ શકાય છે. આ આખા રસ્તામાં યાત્રા દરમિયાન પહાડોનો એવો આકર્ષક નજારો જોવા મળે છે કે મન ખુશ થઇ જાય છે. આ ઉપરાંત રસ્તામાં ધાર્મિક સ્થળ પણ આવે છે. અહીં દેશભરમાંથી બાઇકર ગ્રુપ્સ ડ્રાઇવ માટે આવે છે. આ ઉપરાંત લોકો સતલજ નદીના કિનારે સાઇકલિંગની મજા પણ લે છે.

ટ્રેકિંગની મજા

જો તમને ટ્રેકિંગનો શોખ હોય તો તમારા માટે આ જગ્યા બિલકુલ પરફેક્ટ છે. દેવદારના જંગલોની વચ્ચે ટ્રેકિંગનો શોખ હોય તો આ જગ્યા તમારા માટે એકદમ પર્ફેક્ટ છે. દેવદાર જંગલોની વચ્ચે ટ્રેકિંગ કરવાની અલગ જ મજા છે. ટ્રેકિંગ કરવા દરમિયાન રસ્તામાં ઘણા વોટરફોલ મળે છે, જેને જોઇને મન મુગ્ધ થઇ જાય છે. તત્તાપાનીમાં ટ્રેકિંગની ખુબ જ ચર્ચિત સ્પોર્ટ એક્ટિવિટી છે.

રિવર રાફ્ટિંગનો રોમાંચ

તત્તાપાનીમાં દેશભરના લોકો રિવરરાફ્ટિંગ માટે આવે છે. સતલજ નદીમાં લોટીથી શરુ થઇને ચાબા સુધીના ટ્રેક રિવરરાફ્ટિંગ માટે છે. અહીં નીલા રંગના પાણીમાં રિવર રાફ્ટિંગ કરવાનો અલગ જ રોમાંચ છે. આ ઉપરાંત તત્તાપાનીમાં બોટિંગ કરવાનો આનંદ પણ લઇ શકાય છે.