દીકરીઓનું સન્માન / ટાટા મોટર્સનું મોટું એલાન, વર્લ્ડ કપ જીતનારી મહિલા ક્રિકેટ ટીમને આપશે આ મોટી ગિફ્ટ, જોરદાર ચીજ છે

વનડે વર્લ્ડ કપ જીતનારી ભારતીય મહિલા ક્રિકેટ ટીમને વધુ એક મોટી ગિફ્ટ મળી છે. ટાટા મોટર્સે વર્લ્ડ કપ જીતનારી ભારતીય મહિલા ક્રિકેટ ટીમની બધી ખેલાડીઓને એક મોટી ગિફ્ટનું એલાન કર્યું છે. કંપની ટીમના દરેક સભ્યને ટૂંક સમયમાં લોન્ચ થનારી નવી ટાટા સીએરાનું ભેટમાં આપશે. ટાટા મોટર્સ પેસેન્જર વ્હીકલ્સ લિમિટેડના એમડી અને સીઈઓ શૈલેષ ચંદ્રાએ જણાવ્યું હતું કે, ભારતીય મહિલા ક્રિકેટ ટીમે તેમના અસાધારણ પ્રદર્શન અને શાનદાર જીતથી સમગ્ર રાષ્ટ્રને ગૌરવ અપાવ્યું છે.

મહિલા ટીમ પહેલી વાર જીતી લાવી વર્લ્ડ કપ

2 નવેમ્બરના રોજ યોજાયેલી મહિલા વર્લ્ડ કપ ફાઇનલમાં, ભારતીય ટીમે દક્ષિણ આફ્રિકાને 52 રનથી હરાવ્યું. આ પહેલી વાર હતું જ્યારે ભારતીય મહિલા ટીમે વર્લ્ડ કપ જીત્યો હતો.

વધુ વાંચો : શાકભાજીની જેમ આખો માણસ કાપી નાખ્યો, ટુકડાં કૂકરમાં બાફ્યાં, 'કસાઈના કાંડ'થી આખી દુનિયા કાંપી

ક્યારે લોન્ચ થશે ટાટા સિએરા

ઉલ્લેખનીય છે કે ટાટા સિએરા 25 નવેમ્બર, 2025 ના રોજ લોન્ચ થવાની છે. કંપની ટાટા સિએરા એસયુવીનો પ્રથમ બેચ ભેટમાં આપશે, જેમાં ટોચની લાઇન એસયુવીનો સમાવેશ થશે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ