AUTO / TATA એ કર્યો કમાલ! ભારતમાં પહેલીવાર CNG સાથે ઓટોમેટિક કાર લૉન્ચ, કિંમત બસ આટલી

• ટાટાએ ઇલેક્ટ્રિક કાર માર્કેટમાં પણ પોતાનો દબદબો બનાવી લીધો છે.
• ટાટા મોટર્સે Tiago CNG અને Tigre CNGના ઓટોમેટિક મોડલ લોન્ચ કર્યા છે.
• Tiago CNG AMTને 4 ​​અને Tigreને બે વેરિઅન્ટ્સમાં ખરીદી શકો છો. 

ટાટા મોટર્સ દેશની સૌથી વિશ્વસનીય વાહન ઉત્પાદન કંપની છે. કંપની પેટ્રોલ અને ડીઝલની સાથે CNG કારનું સતત વિસ્તરણ કરી રહી છે. આ સિવાય ટાટાએ ઇલેક્ટ્રિક કાર માર્કેટમાં પણ પોતાનો દબદબો બનાવી લીધો છે. એવામાં હવે ટાટા મોટર્સે ભારતીય બજારમાં Tiago CNG અને Tigre CNGના ઓટોમેટિક મોડલ લોન્ચ કર્યા છે. 

Tiago CNG AMTની પ્રારંભિક કિંમત 7.9 લાખ રૂપિયા અને Tigre CNG AMTની કિંમત 8.85 લાખ રૂપિયા (એક્સ-શોરૂમ) નક્કી કરવામાં આવી છે. Tiago CNG AMTને 4 ​​વેરિઅન્ટ્સમાં ખરીદી શકો છો - XTA, XZA+, XZA+ ડ્યુઅલ-ટોન અને XZA NRG. તેની ટોચની XZA NRG ટ્રીમની કિંમત રૂ 8,79,900 લાખ (એક્સ-શોરૂમ) છે.

તમે Tigre CNG AMTને બે વેરિઅન્ટમાં ખરીદી શકો છો - XZA અને XZA+. તેના બેઝ વેરિઅન્ટની કિંમત 8,84,900 રૂપિયા છે અને તેના ટોપ વેરિઅન્ટની કિંમત 9,54,900 રૂપિયા (એક્સ-શોરૂમ) છે. રસ ધરાવતા ગ્રાહકો 21,000 રૂપિયાની ટોકન રકમ સાથે ટાટા ડીલરશિપ પર અથવા ઓનલાઈન આ કાર બુક કરાવી શકે છે. ડિઝાઇન ફ્રન્ટ પર, બંને CNG કારના ઓટોમેટિક મોડલને તેમના મેન્યુઅલ વેરિઅન્ટની સમાન સ્ટાઇલ સાથે રજૂ કરવામાં આવ્યા છે.

જણાવી દઈએ કે આ પહેલીવાર છે જ્યારે ભારતીય બજારમાં ઓટોમેટિક ગિયરબોક્સ સાથે સીએનજી કાર રજૂ કરવામાં આવી છે. ટાટાએ આમાં ટ્વીન-સિલિન્ડર ટેક્નોલોજીનો ઉપયોગ કર્યો છે, જે અંદર સામાન માટે વધુ જગ્યા આપે છે. ઉપરાંત, 2 અલગ એન્જિન કંટ્રોલ યુનિટ (ECUs) ને બદલે, સિંગલ એડવાન્સ્ડ ECU પ્રદાન કરવામાં આવ્યું છે, જે પેટ્રોલ અને CNG બંને મોડને હેન્ડલ કરે છે. હાલના કલર ઓપ્શન સિવાય કંપની ટિયાગો ઓટોમેટિક મોડલમાં નવો ટોર્નેડો બ્લુ પેઇન્ટ કલર ઓફર કરી રહી છે.

વધુ વાંચો: ના હોય! કારમાં 40 કિમીની માઇલેજ, સૌથી સસ્તી SUV લાવી રહી છે મારુતિ, જાણૉ ડિટેલ્સ

જ્યારે Tigre CNG AMT માટે ગ્રાસલેન્ડ બેજ અને મીટીઅર બ્રોન્ઝ કલર વિકલ્પોનો સમાવેશ કરવામાં આવ્યો છે. ટાટાએ એન્જિનમાં કોઈ ફેરફાર કર્યો નથી. તે વર્તમાન મોડલની જેમ જ 1.2-લિટર, 3-સિલિન્ડર, નેચરલી એસ્પિરેટેડ એન્જિનથી સજ્જ છે. એન્જિનના પાવર આઉટપુટ વિશે વાત કરીએ તો, તે પેટ્રોલ મોડ પર 86bhp પાવર અને 113Nm ટોર્ક જનરેટ કરે છે, જ્યારે CNG મોડ પર તે 73bhp પાવર અને 95Nm ટોર્ક જનરેટ કરે છે.નવા મોડલમાં હવે ટ્રાન્સમિશન માટે 5-સ્પીડ ઓટોમેટિક ગિયરબોક્સ આપવામાં આવ્યું છે. આ કાર હવે ડઝનેક આકર્ષક સુવિધાઓ સાથે ગ્રાહકો માટે ખરીદી માટે ઉપલબ્ધ છે.