લોકસભા ચૂંટણી / ઈન્દોરમાં સુરતવાળી, લોકસભાના કોંગ્રેસ ઉમેદવાર ભાજપમાં જોડાયાં, જાણો હવે શું?

લોકસભાની ચૂંટણીમાં ફરી વાર સુરત જેવો ઘાટ જોવા મળ્યો છે. કોંગ્રેસને મોટો ઝટકો આપતા ઈન્દોરથી તેના લોકસભાના ઉમેદવાર અક્ષય બામ લોકસભાની ચૂંટણીમાંથી ખસી ગયાં હતા અને વોટિંગ પહેલા ભાજપમાં જોડાઈ ગયાં છે. ભાજપના ધારાસભ્ય રમેશ મેન્ડોલા સાથે તેમણે પોતાની ઉમેદવારી પાછી ખેંચવા માટે કલેક્ટર ઓફિસની મુલાકાત લીધી હતી.

ઈન્દોર ભાજપના ઉમેદવાર બિનહરીફ જાહેર થઈ શકે

કોંગ્રેસે ઈન્દોરના ભાજપના વર્તમાન સાંસદ શંકર લાલવાણી સામે મિ. બામને ઊભા રાખ્યા હતા. ઈન્દોર સંસદીય ક્ષેત્ર માટે 13 મેના રોજ ચાલી રહેલી ચૂંટણીના ચોથા તબક્કામાં મતદાન થશે. ઈન્દોરમાં મુખ્ય મુકાબલો ભાજપ અને કોંગ્રેસ સામે છે. હવે કોંગ્રસ તેના બીજા ઉમેદવાર જાહેર કરી શકે છે.

વધુ વાંચો : ગુનાહિત ઇતિહાસ તથા સંપત્તિને લઇ સામે આવ્યો ઉમેદવારોનો ચોંકાવનારો ADR રિપોર્ટ, 48 વિરૂદ્ધ છે ગંભીર ગુના

સુરત બેઠક પર શું બન્યું હતું

સુરત લોકસભા બેઠક માટે કોંગ્રેસના નેતા નિલેશ કુંભાણીનું ઉમેદવારી ફોર્મ નામંજૂર થયાના થોડા દિવસો બાદ જ તેમના ત્રણ પ્રસ્તાવકો જિલ્લા રિટર્નિંગ ઓફિસર પાસે આવ્યા બાદ દસ્તાવેજ પરની સહીઓ તેમની ન હોવાનું જણાવ્યું હતું.તેવી જ રીતે સુરત માટે કોંગ્રેસના વૈકલ્પિક ઉમેદવાર સુરેશ પડસાલાનું ઉમેદવારી ફોર્મ રદ કરાયું હતું. હાલમાં કુંભાણીના ભાજપમાં જોડાવાની ચર્ચા ચાલી રહી છે. સુરતના પૂર્વ કોર્પોરેટર કુંભાણી અગાઉ કામરેજ મતવિસ્તારમાં 2022ની વિધાનસભાની ચૂંટણી લડી ચૂક્યા હતા પરંતુ હાર્યાં હતા. કૂંભાણી ખસી જતાં ભાજપના મુકેશ દલાલે સુરત લોકસભા બેઠક માટે બિનહરીફ જાહેર થયાં હતા. બસપાના ઉમેદવારોએ પણ પોતાની ઉમેદવારી પાછી ખેંચી હતી.