BIG NEWS / તારક મહેતા કા ઉલ્ટા ચશ્માના સોઢી 4 દિવસથી ગુમ, પિતાએ પોલીસમાં કરી FIR

ટીવી સીરિયલ 'તારક મહેતા કા ઉલ્ટા ચશ્મા'માં સોઢીનું પાત્ર ભજવીને પ્રખ્યાત થયેલા ગુરચરણ સિંહ છેલ્લા ચાર દિવસથી લાપતા છે. તેમના પિતાના જણાવ્યા અનુસાર ગુરુચરણ સિંહ સોમવારે ઘરેથી દિલ્હી એરપોર્ટ જવા નીકળ્યા હતા. તે મુંબઈ જવાના હતા, પરંતુ તે ન તો મુંબઈ પહોંચ્યા કે ન તો ઘરે પરત ફર્યા.

પિતાએ કહ્યું અભિનેતાની માનસિક સ્થિતિ કેવી હતી?
ગુરુચરણ સિંહના પિતાએ પોલીસ સ્ટેશન જઈને અભિનેતાના ગુમ થયાની ફરિયાદ નોંધાવી છે. રિપોર્ટમાં લખવામાં આવ્યું છે કે, 'મારો પુત્ર ગુરચરણ સિંહ, ઉંમર: 50 વર્ષ, 22 એપ્રિલે સવારે 8:30 વાગ્યે મુંબઈ જવા નીકળ્યો હતો. તે ફ્લાઇટ પકડવા એરપોર્ટ ગયો, પરંતુ ન તો મુંબઈ પહોંચ્યો કે ન તો ઘરે પાછો આવ્યો. તેનો ફોન પણ ઉપલબ્ધ નથી. તે માનસિક રીતે સ્થિર છે અને અમે તેની શોધ કરી હતી, પરંતુ તે ગુમ છે.

આ પણ વાંચોઃ 'કૌન બનેગા કરોડપતિ'ના સેટ પરથી અમિતાભ બચ્ચનની પહેલી તસવીર સામે આવી, આ તારીખથી રજીસ્ટ્રેશન શરૂ

તમને જણાવી દઈએ કે, ગુરુચરણ સિંહ છેલ્લે લોકપ્રિય ટીવી શો 'તારક મહેતા કા ઉલ્ટા ચશ્મા'માં જોવા મળ્યા હતા. આ શોમાં તે રોશન સિંહ સોઢીનો રોલ કરીને ફેમસ થયા હતા અને તેમની પત્નીનો રોલ જેનિફર મિસ્ત્રી બંસીવાલ દ્વારા કરવામાં આવ્યો હતો. અભિનેતા તેના પિતાની નાદુરસ્ત તબિયતને કારણે શોમાંથી બહાર નીકળી ગયો હતો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો