ઇમરજન્સી લેન્ડિંગ / સુરતથી કોલકાતા જઇ રહેલી ફ્લાઇટમાં થયું એવું કે વિમાન તાત્કાલિક ભોપાલ ઊતારવું પડ્યું; જાણો શું છે ઘટના?

• સુરતથી 172 મુસાફરો સાથે ઉપડેલું વિમાન તાત્કાલિક ભોપાલ ઉતરી ગયું
• માર્ગમાં ફ્લાઇટમાં તકનીકી ખામી સર્જાઇ

એવું કહેવામાં આવી રહ્યું છે કે વિમાનમાં તકનીકી ખામી હતી. વિમાનમાં 172 મુસાફરો સવાર હતા. જાણવા મળ્યું છે કે પાયલોટને ધુમાડો થતો હોવાનું અનુભવાયું હતું, જેના પછી આ નિર્ણય લેવામાં આવ્યો હતો. વૈકલ્પિક વ્યવસ્થા કરી તમામ મુસાફરોને રવાના કરાયા છે.

પાઇલોટે ભોપાલ એર ટ્રાફિક કંટ્રોલ (ATC) સાથે વાત કરી

મળતી માહિતી મુજબ રવિવારે સવારે ઈન્ડિગોની ફ્લાઇટ સુરતથી કોલકાતા જઇ રહી હતી. માર્ગમાં ફ્લાઇટમાં તકનીકી ખામી સર્જાઇ હતી. પાઇલોટે ભોપાલ એર ટ્રાફિક કંટ્રોલ (ATC) સાથે વાત કરી હતી કારણ કે ભોપાલ એરપોર્ટ સૌથી નજીક હતું. 

રાજા ભોજ એરપોર્ટ પર વિમાનને ઉતારવાની પરવાનગી લેવામાં આવી હતી. આ પછી, વિમાનને ભોપાલમાં ઉતારવામાં આવ્યું હતું. 

યાત્રીઓને કહ્યું થોડી રાહ જોવી પડશે

વિમાનના ઇમરજન્સી લેન્ડિંગ પછી, મુસાફરોને કહેવામાં આવ્યું હતું કે તમારે થોડો સમય રાહ જોવી પડશે, કારણ કે વિમાનની તકનીકી ખામી છે. પાર્કિંગના નિષ્ણાંત ઇજનેરો વિમાનની તકનીકી ખામીને સુધારવા માટે પ્રયાસ કરી રહ્યા છે.