રોચક કેસ / 'માફ કરો..અમે પાકિસ્તાનને આદેશ નહીં આપી શકીએ', સુપ્રીમ કોર્ટે કેમ કહ્યું આવું? જાહેર હિતની અરજી ફગાવી

• અમે પાકિસ્તાનને આદેશ આપી શકીએ?: સુપ્રીમ કોર્ટે
• ભારત-પાકિસ્તાન ન્યાયિક સમિતિ સંબંધિત PIL ફગાવતી કોર્ટ
• સુનાવણી દરમિયાન સુપ્રીમ કોર્ટે સ્પષ્ટ કર્યું કે તે તેમનો અધિકારક્ષેત્ર નથી

સુપ્રીમ કોર્ટે ભારત-પાકિસ્તાન ન્યાયિક સમિતિ સાથે જોડાયેલા એક જનહિત યાચિકાને રિજેક્ટ કરી છે. આ અરજીમાં ભારત-પાકિસ્તાન વચ્ચે ચાલી રહેલા વિવાદને હલ કરવા માટે આ સમિતિને ફરીથી તૈયાર કરવાનો અનુરોધ કર્યો હતો. શુક્રવારે આ અરજી પર થયેલી સુનાવણી દરમિયાન સુપ્રીમ કોર્ટે સ્પષ્ટ કર્યું કે આ તેમના દખલ દેવાનો મામલો નથી તેમના અધિકારક્ષેત્રમાં ન હોવાનું જણાવ્યું હતું. સુપ્રીમે કહ્યું કે કેવી રીતે ભારત અને પાકિસ્તાન માછીમારો સાથે જોડાયેલો મુદ્દો ઉકેલે, શું આપણે પાકિસ્તાનને કોઇ આદેશ આપી શકીએ છીએ ? માફ કરજો.

પાકિસ્તાન સરકાર માટે અમારી તરફથી આદેશ આપી શકાય નહીં

PILમાં જળ સરહદનું ઉલ્લંઘન કરવા પર પકડાયેલા માછીમારીનો ઉલ્લેખ કરવામાં આવ્યો હતો. ભારત-પાકિસ્તાન ન્યાયિક સમિતિ સાથે જોડાયેલી આ યાચિકા પર સુનાવણી જસ્ટિસ સંજય કિશન કૌલ અને જસ્ટિસ સુધાંશુ ધૂલિયા કરી રહ્યાં હતા. તેઓએ કહ્યું કે આ રાજનીતિક મામલો છે અને સાથે જ આ સુપ્રીમ કોર્ટના અધિકાર ક્ષેત્રમાં નથી. સુપ્રીમ કોર્ટે વધુ જણાવ્યું કે પાકિસ્તાન સરકાર માટે અમારી તરફથી આદેશ આપી શકાય નહીં. 

જનહિતની આરજીને ફગાવી દીધી છે

ઉલ્લેખનીય છે કે આ અરજી વેલજીભાઇ મસાની તરફથી ફાઇલ કરવામાં આવી હતી. સુપ્રીમ કોર્ટની બેંચે જણાવ્યું કે કેવી રીતે તેઓ ભારત-પાકિસ્તાન માછીમારો સાથે જોડાયેલો મુદ્દો ઉકેલે, શું અમે પાકિસ્તાનને આપી શકીએ છીએ ? માફ કરજો. કોર્ટે કહ્યું કે રાજનીતિક મામલાને રાજનીતિક રૂપથી જ ઉકેલવો જોઇએ. આ સાથે જ સુપ્રીમ કોર્ટે આ જનહિતની આરજીને ફગાવી દીધી છે.