ધજાગરા / છોટાઉદેપુરમાં તૂફાનની તૂફાની સવારી, એક બે નહીં ક્ષમતા કરતાં બેસાડ્યા 10થી વધુ લોકો, કાર્યવાહી પર બ્રેક કેમ?

• છોટાઉદેપુરમાં ટ્રાફિક નિયમોનું ઉલ્લંઘ
• ક્ષમતા કરતા વધુ મુસાફરોને બેસાડ્યાં
• અકસ્માત થશે તો જવાબદાર કોણ?

છોટાઉદેપુર જિલ્લામાં લોકો આંતરીયાળ ગ્રામ્ય વિસ્તારમાંથી શહેરમાં આવી મજૂરી થકી રોજી રોટી મેળવી પોતાનું ગુજરાત ચલાવી રહ્યા છે. ત્યારં આવા અંતરીયાળ વિસ્તારમાં ટ્રાન્સપોર્ટના નામે જીરો સુવિધા જોવા મળે છે. જેને પગલે ગ્રામ્ય વિસ્તારમાં વસવાટ કરતા લોકો ના છૂટકે આવા પ્રાઈવેટ વાહનોમાં સવારી કરતા હોય છે. આવા સમયે નફો કમાવવાની લાલચમાં ખાનગી વાહન ચાલકો ક્ષમતા કરતા વધુ લોકોને ઘેટા બકરાની જેમ બેસાડતા હોય છે. જીવના જોખમે મુસાફરીનો વીડિયો વાયરલ થયો છે.ત્યારે સવાલ અહીં પોલીસ તંત્ર પર ઉઠી રહ્યા છે કે તેઓ ટ્રાફિકના નિયમને લઈને કેટલા સતર્ક છે. 

ટ્રાફિક નિયમોનો ઊલાળીયો

પ્રાપ્ત માહિતી પ્રમાણે આજે જે સોશિયલ મીડિયામાં વીડિયો વાયરલ થયો છે તે મોતની સવારી કરતા હોય તેવુ લાગી રહ્યુ છે. આ વીડિયો પરથી તંત્રની ગંભીર બેદરકારી સામે આવી છે. જો કોઈ અકસ્માતની ઘટના બને તો જવાબદાર કોણ તેવા પણ અનેક સવાલો ઉભા થયા છે. ઉલ્લેખનીય છે કે, છોટાઉદેપુર જિલ્લામાં ગ્રામ્ય વિસ્તારમાં એસટી બસની સુવિધાના અભાવે વિદ્યાર્થીઓ તેમજ મુસાફરો જીવના જોખમે મુસાફરી કરવા મજબુર બન્યા છે. ટ્રાફિક નિયમોને નેવે મૂકીને ખાનગી વાહનો પોલીસની રહેમ નજર હેઠળ ઘમધમી રહ્યા છે.

હજારો લોકો મોતની સવારી કરી રહ્યા છે

છોટાઉદેપુરમાં પણ ખાનગી વાહન ચાલકો કેટલાય લોકોના જીવ જોખમમાં મૂકી રહ્યા હોવાનું સામે આવ્યું છે. છોટાઉદેપુરના ગ્રામ્ય વિસ્તારમાંથી શહેર સુધી દરરોજ હજારો લોકો મોતની સવારી કરી રહ્યા છે. જોકે એક તરફ રાજ્ય સરકાર દ્વારા માર્ગ સલામતી સપ્તાહ ઉજવવામાં આવે છે તેમજ ટ્રાફિકના નિયમોનું પાલન થાય તે માટે પોલીસ તંત્ર વિવિધ રેડ કરી લોકો પાસેથી મસ્ત મોટો દંડ વસૂલ કરે છે જો…કે મોતની સવારી કરાવનારા વાહન ચાલકો સામે વહીવટી તંત્ર તેમજ જિલ્લા ટ્રાફિક પોલીસની મીઠી નજર જણાઈ આવે છે.