મોટા સમાચાર / એશિયા કપના ફાઈનલ વચ્ચે BCCI અધ્યક્ષનું નામ જાહેર, આ નામ પર લાગી મહોર

BCCIની કમાન કોના હાથમાં આવશે તેને લઇને ચાલી રહેલી અટકળોનો અંત આવ્યો છે. મિથુન મન્હાસને BCCIનું સુકાન સોંપવામાં આવ્યું છે. એટલે કે મિથુન મન્હાસ BCCIના નવા અધ્યક્ષ તરીકે પદભાર સંભાળશે.

મિથુન મન્હાસ એવા વ્યક્તિ છે જે પોતાની સાથે ક્રિકેટ અને પ્રશાસન બન્ને ક્ષેત્રોમાં સમૃદ્ધ અનુભવ લઈને આવ્યા છે. તેઓ જમ્મુ-કાશ્મીર ક્રિકેટ એસોસિએશન (JKCA)માં પ્રશાસકીય ભૂમિકા નિભાવી ચૂક્યા છે અને BCCIની વાર્ષિક સામાન્ય બેઠકમાં રાજ્યનું પ્રતિનિધિત્વ પણ કરી ચૂક્યા છે. મેદાન પર મિથુન મન્હાસ ભારતીય ગૃહ ક્રિકેટના સૌથી પ્રતિષ્ઠિત ખેલાડીઓમાંથી એક ગણાય છે.

ક્રિકેટર તરીકેનો સફર

મિથુન મન્હાસે 1997/98ની સીઝનમાં પોતાનો પ્રોફેશનલ ડેબ્યૂ કર્યો હતો. તેઓ મધ્યક્રમના બેટ્સમેન હતા.. રાહુલ દ્રવિડ, સચિન તેંડુલકર, સૌરવ ગાંગુલી અને વીવીએસ લક્ષ્મણ જેવા મહાન બેટ્સમેનોની હાજરીને લીધે તેઓ ક્યારેય ભારતીય રાષ્ટ્રીય ટીમમાં સ્થાન મેળવી શક્યા નહોતા, પણ તેમ છતાં ઘરેલુ ક્રિકેટમાં તેમણે શાનદાર પ્રદર્શન કર્યું હતું.

2007/08ની સીઝનમાં, તેમણે દિલ્હી ટીમને રણજી ટ્રોફી ચેમ્પિયન બનાવવા માટે મહત્ત્વપૂર્ણ યોગદાન આપ્યું હતું. આ સીઝનમાં તેમણે 57.56ની સરેરાશથી 921 રન બનાવ્યા હતા.

મિથુન મન્હાસ જમણેરી બેટ્સમેન અને ઓફ-સ્પિનર રહી ચૂક્યા છે. અનેક વખત તેમણે વિકેટકીપર તરીકેની જવાબદારી પણ નિભાવી છે.

આ પણ વાંચોઃ તો શું જીત પછી પણ ટીમ ઈન્ડિયા ટ્રોફી લેશે નહીં? ફાઈનલ પછી થશે હોબાળો? જાણો

મિથુન મન્હાસનું પ્રદર્શન

• ફર્સ્ટ ક્લાસ ક્રિકેટમાં તેમણે કુલ 157 મેચ રમી, જેમાં 9714 રન બનાવ્યા, સરેરાશ 45.82. તેઓએ 27 સદી અને 49 અર્ધસદી ફટકારી.
  
• તેઓએ લિસ્ટ Aના 130 મેચમાં 4126 રન બનાવ્યા, સરેરાશ 45.84, જેમાં 5 સદી અને 26 અર્ધસદી છે.
  
• ટી20 ક્રિકેટમાં તેમણે 91 મેચ રમ્યા અને 1170 રન બનાવ્યા છે, જેમાં એકમાત્ર અર્ધસદીનો સમાવેશ થાય છે.
  

તેમનો સર્વોચ્ચ સ્કોર:

• ફર્સ્ટ ક્લાસ: 205*
  
• લિસ્ટ A: 148
  
• ટી20: 52
  

તેઓ IPLમાં પણ દિલ્હી ડેરડેવિલ્સ, પુણે વોરિયર્સ અને ચેન્નાઈ સુપરકિંગ્સ માટે રમી ચૂક્યા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ