સ્પોર્ટસ / એશિયા કપ વિવાદ પછી ભારત-પાકિસ્તાન વચ્ચેની તમામ મેચ પર સંપૂર્ણ પ્રતિબંધની માગ

ઇંગ્લેન્ડના ભૂતપૂર્વ કેપ્ટન માઇકલ આથર્ટને ભારત અને પાકિસ્તાન વચ્ચેની ક્રિકેટ મેચો પર સંપૂર્ણ પ્રતિબંધ મૂકવાની હાકલ કરી છે. તેમની દલીલ છે કે ભારત અને પાકિસ્તાન વચ્ચેની મેચો ICC ટુર્નામેન્ટમાં ન યોજવી જોઈએ. તેમણે 2025ના એશિયા કપનો ઉલ્લેખ કર્યો, જ્યાં બંને દેશો વચ્ચે નોંધપાત્ર વિવાદ થયો હતો. 

'ધ ટાઇમ્સ' માટેની એક કોલમમાં, એથર્ટને એશિયા કપમાં તાજેતરમાં થયેલા 'હંગામા'નો ઉલ્લેખ કર્યો હતો.જ્યાં ભારતીય ટીમે પાકિસ્તાની ખેલાડીઓ સાથે હાથ મિલાવવાનો ઇનકાર કર્યો હતો અને એશિયન ક્રિકેટ કાઉન્સિલ (ACC) ના પાકિસ્તાની વડા મોહસીન નકવી ભારતીય ટીમે તેમની પાસેથી વિજેતા ટ્રોફી સ્વીકારવાનો ઇનકાર કર્યા પછી તે લઈને ચાલ્યા ગયા હતા.

આથર્ટને લંડનના ધ ટાઇમ્સમાં લખ્યું છે કે, "બંને દેશો વચ્ચે મેચોની ઓછી સંખ્યા મેચને એક મહત્વપૂર્ણ આર્થિક અસર કરે છે. આ એક મુખ્ય કારણ છે કે ICC ટુર્નામેન્ટના પ્રસારણ અધિકારો એટલા મૂલ્યવાન છે. તાજેતરના અધિકારો 2023-27 ચક્ર માટે છે, જે લગભગ $3 બિલિયન છે. દ્વિપક્ષીય મેચોના મહત્વમાં અપેક્ષાકૃત ઘટાડાથી ICC સ્પર્ધાઓનું મહત્વ વધી ગયું છે, અને તેથી ભારત અને પાકિસ્તાન વચ્ચેની મેચો એવા દેશો માટે પણ મહત્વપૂર્ણ બને છે, જેનું ખેલમાં કોઇ મહત્વ હોતું નથી."

આ પણ વાંચોઃ ભારત-પાકિસ્તાન મેચમાં રન આઉટ પર આવ્યો MCCનો ચુકાદો, શું ખરેખર થયું હતું કપટ?

આથર્ટને કહ્યું કે " હવે એ વ્યૂહાત્મક રીતે સમર્થિત વ્યવસ્થા" ને સમાપ્ત કરવાનો સમય આવી ગયો છે જેમાં બે કટ્ટર હરીફો ICC ટુર્નામેન્ટમાં ઓછામાં ઓછી એક વાર ટકરાય છે. તાજેતરમાં યોજાયેલા એશિયાકપમાં ડ્રો અને કાર્યક્રમ એવો હતો કે ત્રણ સપ્તાહની આ ટુર્નામેન્ટમાં બે ટીમો દર રવિવારે આમને -સામને થાય. તાજેતરના એશિયા કપના ડ્રો અને સમયપત્રકનો અર્થ એ થયો કે બંને ટીમો ત્રણ અઠવાડિયાની ટુર્નામેન્ટ દરમિયાન દર રવિવારે એકબીજાનો સામનો કરશે.

તેમણે કહ્યું કોઈપણ ગંભીર રમત માટે પોતાની નાણાકીય જરૂરિયાતોને અનુરૂપ ટુર્નામેન્ટ મેચોનું આયોજન કરવું યોગ્ય નથી, અને હવે જ્યારે આ હરીફાઈનો અન્ય રીતે ઉપયોગ થઈ રહ્યો છે, તો તેનું કોઈ વાજબીપણું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ