સ્પોર્ટ્સ / IPL 2026 પહેલા ચેન્નઈ સુપર કિંગ્સમાંથી 5 ખેલાડીઓનું પત્તુ કપાશે, MS ધોની રમશે?

ઈન્ડિયન પ્રીમિયર લીગ (IPL) 2026 માટેની ટીમોની તૈયારીઓ હવે તેજ થઈ ગઈ છે. આવતી સિઝનના ઓક્શન પહેલાં જ મોટી ખબર બહાર આવી છે કે ચેન્નાઈ સુપર કિંગ્સ પાંચ ખેલાડીઓને ટીમમાંથી બહાર કરવાનો નિર્ણય લઈ શકે છે. બીજી તરફ રાજસ્થાન રોયલ્સ (RR) સંજુ સેમસનને ટીમમાં રાખી શકશે કે નહીં તે બાબતે હજુ સસ્પેન્સ છે.

રિપોર્ટ મુજબ IPL 2026નો મેગા ઓક્શન ડિસેમ્બરનાં બીજા કે ત્રીજા અઠવાડિયામાં, સંભવતઃ 13થી 15 ડિસેમ્બર વચ્ચે યોજાઈ શકે છે. ફ્રેન્ચાઈઝીઓને પોતાની રિટેન્શન લિસ્ટ 15 નવેમ્બર સુધી સોંપવી પડશે. એટલે કે, દરેક ટીમને તે પહેલાં નક્કી કરવું પડશે કે કયા ખેલાડીઓને રાખવાના અને કયા ખેલાડીઓને છોડવાના.

ચેન્નાઈ સુપર કિંગ્સે પોતાના સ્ક્વોડમાં મોટો ફેરફાર કરવાની તૈયારી શરૂ કરી છે. રિપોર્ટ અનુસાર દીપક હુડ્ડા, વિજય શંકર, રાહુલ ત્રિપાઠી, સેમ કરન અને ડેવોન કોનવેને ટીમ રિલીઝ કરી શકે છે. રવિચંદ્રન અશ્વિનના નિવૃત્ત થવાથી ટીમના પર્સમાં રૂ. 9.75 કરોડની વધારાની જગ્યા મળી છે, એટલે કે ફ્રેન્ચાઈઝી આગામી ઓક્શનમાં કેટલાક મોટા દાવ રમવા તૈયાર છે.

સંજુ સેમસન રાજસ્થાનમાં રહેશે કે નહીં ?

સંજુ સેમસન રાજસ્થાન રોયલ્સનો ભાગ રહેશે કે નહીં તે મુદ્દે હજી પણ ગૂંચવણ છે. કેટલાક અહેવાલ મુજબ સેમસન ટીમ છોડવા ઈચ્છે છે, પરંતુ ફ્રેન્ચાઈઝી તેમને મનાવવાનો પ્રયાસ કરી રહી છે. તે સાથે વાનિંદુ હસ્સરંગા અને મહીષ તીક્ષણાને પણ છોડવાની ચર્ચા ચાલી રહી છે. જો કુમાર સંગાકારા ફરીથી ટીમના હેડ કોચ તરીકે વાપસી કરે છે તો આ નિર્ણયમાં ફેરફાર પણ થઈ શકે છે.

ઓક્શનમાં આવશે આ સ્ટાર ખેલાડીઓ

IPL 2026ના ઓક્શનમાં અનેક મોટા નામો જોવા મળશે. જેમાં મિચેલ સ્ટાર્ક, ડેવિડ મિલર, મયંક યાદવ, ટી નટરજન, અને આકાશ દીપ જેવા ખેલાડીઓ પર ટીમો ભારે બોલી લગાવી શકે છે. કોલકાતા નાઈટ રાઈડર્સ (KKR) માટે પણ મોટો નિર્ણય રહેશે, કારણ કે ટીમે વેંકટેશ અય્યર માટે અગાઉ ₹23.75 કરોડ ખર્ચ્યા હતા. હવે તેને રાખવો કે નહીં એ ચર્ચાનો વિષય છે.

આ પણ વાંચોઃ VIDEO : જાસ્મીન બાદ હવે કોણ છે Hardik ની રુમર્ડ ગર્લફ્રેન્ડ, કરવા ચોથ પર જ સાથે દેખાયા

કેમરૂન ગ્રીનની વાપસી

ઓસ્ટ્રેલિયાના ઓલરાઉન્ડર કેમરૂન ગ્રીન ઇજાથી સંપૂર્ણપણે સાજા થઈ ચૂક્યા છે. જો તે ઓક્શનમાં ભાગ લે છે, તો તેઓ આ સિઝનના સૌથી મોટા બિડેડ ખેલાડી બની શકે છે. IPL 2026નું મેગા ઓક્શન ટીમો માટે નવા યુગની શરૂઆત બની શકે છે. ચેન્નાઈની ટીમ જૂના ખેલાડીઓ છોડીને નવી રણનીતિ અપનાવવા તત્પર છે, જ્યારે રાજસ્થાન માટે સંજુ સેમસનની સ્થિતિ નિર્ણાયક સાબિત થઈ શકે છે. આવતી ડિસેમ્બર સુધી IPL ફેન્સને અનેક ધમાકેદાર સમાચાર મળવાની પૂરી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ