સ્પોર્ટ્સ / એશિયા કપમાં ફરી થશે ભારત-પાકનો મુકાબલો, બની રહ્યું છે રોમાંચક સમીકરણ

એશિયા કપ 2025માં સુપર ફોર તબક્કામાં ભારતે પાકિસ્તાનને 6 વિકેટથી હરાવ્યું હતું. આ હારથી પાકિસ્તાનની ફાઇનલમાં પહોંચવાની આશાઓને મોટો ફટકો પડ્યો છે. પરંતુ હજી પણ પાકિસ્તાન પાસે તક બાકી છે. જો પાકિસ્તાન તેની બાકીની બે મેચ જીતી જશે, તો તે ચાર પોઈન્ટ સાથે ફાઇનલની દોડમાં મજબૂત બની જશે.

સુપર ફોરમાં ચારેય ટીમો ત્રણ-ત્રણ મેચ રમશે. પાકિસ્તાનને હવે શ્રીલંકા (23 સપ્ટેમ્બર) અને બાંગ્લાદેશ (25 સપ્ટેમ્બર) સામે ટકરાવવું છે. જો શ્રીલંકા સામે પાકિસ્તાન હારી જાય, તો તેનું બહાર થવું લગભગ નિશ્ચિત થઈ જશે. એટલે, પાકિસ્તાન માટે બન્ને મેચ જીતવી ફરજિયાત છે.

ભારતની સ્થિતિ થોડો વધુ મજબૂત છે. ભારત પાસે પહેલેથી જ બે પોઈન્ટ છે અને સારા નેટ રન રેટ (+0.689) સાથે ટોચ પર છે. ભારતની આગામી મેચો બાંગ્લાદેશ (24 સપ્ટેમ્બર) અને શ્રીલંકા (26 સપ્ટેમ્બર) સામે છે. જો ભારત એક પણ મેચ જીતે, તો તે ફાઇનલ માટે દાવેદાર રહેશે. જો ભારત બન્ને મેચ જીતી જાય, તો ફાઇનલમાં તેનો સ્થાન નિશ્ચિત બની જશે.

બીજી તરફ, બાંગ્લાદેશે સુપર ફોરની પહેલી જ મેચમાં શ્રીલંકાને હરાવીને પહેલેથી જ બે પોઈન્ટ મેળવી લીધા છે. તેનો નેટ રન રેટ +0.121 છે. શ્રીલંકા અને પાકિસ્તાન હજી સુધી પોતાના ખાતામાં પોઈન્ટ મેળવી શક્યા નથી. શ્રીલંકાનો નેટ રન રેટ -0.121 છે, જ્યારે પાકિસ્તાનનો -0.689 છે.

એશિયા કપ બાકીની મેચોનું શેડ્યૂલ

• 23 સપ્ટેમ્બર: પાકિસ્તાન vs શ્રીલંકા, અબુ ધાબી, 8 PM IST
• 24 સપ્ટેમ્બર: ભારત vs બાંગ્લાદેશ, દુબઈ, 8 PM IST
• 25 સપ્ટેમ્બર: પાકિસ્તાન vs બાંગ્લાદેશ, દુબઈ, 8 PM IST
• 26 સપ્ટેમ્બર: ભારત vs શ્રીલંકા, દુબઈ, 8 PM IST

આ પણ વાંચો : IND vs PAK: કારમી હાર બાદ પાકિસ્તાની કેપ્ટન સલમાન આગાનું નિવેદન, ફોડ્યું પરાજયનું ઠીકરું

ભારત અને પાકિસ્તાનની વચ્ચે ફાઇનલ શક્ય છે, પરંતુ શરત એટલી છે કે બન્ને ટીમો તેમની બાકી રહેલી તમામ મેચ જીતી જાય. જો એમ બને તો 2025ના એશિયા કપમાં ભારત-પાકિસ્તાન ત્રીજી વખત સામસામે આવશે. પરંતુ જો કોઈ ટીમ એક મેચ હારી જાય, તો નેટ રન રેટ મોટો નિર્ણાયક તત્વ સાબિત થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ