જામનગર / અંબાણી પરિવારમાં અનંત-રાધિકાના શાહી પ્રિ-વેડિંગની કેવી છે તૈયારી? 3 નાઈટ માટે ખાસ થીમ, ગ્રાન્ડ ફંક્શનની તમામ વિગત

રિલાયન્સ ગ્રુપના ચેરમેન અને સીએમડી મુકેશ અંબાણીના નાના પુત્ર અનંત અંબાણી લગ્ન કરવા તૈયાર છે. 1 થી 3 માર્ચ દરમિયાન અનંત અંબાણી અને રાધિકા મર્ચન્ટના પ્રી-વેડિંગ ફંક્શનનું આયોજન કરવામાં આવ્યું છે. પ્રિ-વેડિંગ પ્લાનિંગ માટે 9 પેજની ઈવેન્ટ ગાઈડ પણ તૈયાર કરવામાં આવી છે. જેમાં નાઈટ થીમ, ડ્રેસ કોડ અને મહેમાનો માટે ટ્રાવેલ પ્લાન સમજાવવામાં આવ્યો છે. તમને જણાવી દઈએ કે તમામ મહેમાનો 1 માર્ચના રોજ સવારે 8 થી 1 વાગ્યાની વચ્ચે મુંબઈ અથવા દિલ્હીથી ચાર્ટર્ડ ફ્લાઈટમાં જામનગર જશે.

ફંક્શન માટે ખાસ થીમ

પ્રથમ દિવસની થીમ એન ઇવનિંગ ઇન એવરલેન્ડ છે. આ સમય દરમિયાન તમામ મહેમાનોનો ડ્રેસ કોડ 'એલિગન્ટ કોકટેલ' છે.

બીજા દિવસની થીમ અ વોક ઓન ધ વાઇલ્ડસાઇડ છે, જેનો ડ્રેસ કોડ 'જંગલ ફીવર' છે. જામનગરમાં મુકેશ અંબાણીના પ્રાણી બચાવ કેન્દ્રની બહાર તેનું આયોજન કરવામાં આવશે. તમામ મહેમાનોને ઇવેન્ટ માટે આરામદાયક પગરખાં અને કપડાં પહેરવાની સલાહ આપવામાં આવી છે.

ત્રીજા દિવસની થીમ “મેલા રૂજ” છે. આ દિવસનો ડ્રેસ કોડ છે “ડેઝલિંગ દેશી રોમાન્સ”. આ સમય દરમિયાન તમામ મહેમાનોને દક્ષિણ એશિયાના પરંપરાગત ગ્લેમરસ ડ્રેસ પહેરવાનું સૂચન કરવામાં આવ્યું છે.

છેલ્લા દિવસે જ બે કાર્યક્રમ થશે. પ્રથમ 'ટસ્કર ટ્રેલ્સ', જેમાં મહેમાનોને ડ્રેસિંગ માટે 'કેઝ્યુઅલ ચિક્સ' સૂચવવામાં આવી છે. બીજું ‘હસ્તક્ષર’. આ દરમિયાન મહેમાનોને સુંદર ભારતીય પોશાક પહેરવાનું સૂચન કરવામાં આવ્યું છે.

વધુ વાંચો : જામનગરમાં અનંત-રાધિકાના પ્રી વેડિંગમાં કોણ કોણ રહેશે હાજર? સામે આવ્યું ગેસ્ટ લિસ્ટ

માર્ગદર્શિકા અનુસાર તમામ મહેમાનોને ત્રણ કે તેથી ઓછી સૂટકેસ લાવવાની સલાહ આપવામાં આવી છે. ઇવેન્ટમાં તમામ મહેમાનોને કપડાંની એક્સપ્રેસ સ્ટીમિંગ સહિત વિવિધ પ્રકારની લોન્ડ્રી સેવાઓ પણ પૂરી પાડવામાં આવશે. હેર સ્ટાઈલિશ, સાડી ડ્રેપર અને મેક-અપ સેવાઓ પણ ઉપલબ્ધ રહેશે. વધુમાં માર્ગદર્શિકા તારણ આપે છે કે મહેમાનો તેમને જે પણ આરામદાયક લાગે તે પહેરવા માટે મુક્ત છે જેથી તેઓ દરેક ક્ષણનો સંપૂર્ણ આનંદ લઈ શકે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલને ફોલો કરવા આ લિંક પર ક્લિક કરો