તમારા કામનું / શું તમે પણ કાંડા પર પહેરો છો બેલ્ટ અને ઘડિયાળ? તો ચેતી જજો, રિસર્ચમાં થયો હચમચાવી મૂકે તેવો ખુલાસો

• રિસ્ટબેંડ/સ્માર્ટવોચ શરીર માટે ખતરનાક
• રિસર્ચનાં ચોંકાવનારા પરિણામો સામે આવ્યાં
• સ્ટડીમાં કહેવાયું તે આ ઉપકરણોમાં હાનિકારક બેક્ટેરિયા હોય છે

આજકાલ ઘણાં લોકો પોતાના કાંડા પર સ્માર્ટવોચ, ફિટનેસ ટ્રેકર અને રિસ્ટબેંડ પહેરવાનો શોખ ધરાવે છે. પરંતુ આ તમામ ચીજોને લઈને એક ચોંકાવનારો ખુલાસો થયો છે. સ્ટડી અનુસાર કાંડા પર પહેરવામાં આવતી ચીજો જેવી કે સ્માર્ટવોચ, ફિટનેસ ટ્રેકર અને રિસ્ટબેંડમાં બીમારી ફેલાવતાં હાનિકારક બેક્ટેરિયા હોય છે.

હાનિકારક બેક્ટેરિયા
આ સ્ટડી ફ્લોરિડા એટલાંટિક યૂનિવર્સિટીનાં ચાર્લ્સ ઈ.નાં ગ્રુપ દ્વારા કરવામાં આવી છે. આ રિસર્ચમાં અલગ-અલગ લોકોમાંથી એકઠાં કરવામાં આવેલા સેંપલ્સની તપાસ કર્યા બાદ ચોંકાવનારા પરિણામો મળ્યાં હતાં. આ રિસર્ચમાં લોકોને કાંડા પર પહેરવા માટે અલગ-અલગ વસ્તુઓ આપવામાં આવી જેના પર તપાસ કર્યા બાદ જાણવા મળ્યું કે તેના પર ઈ.કોલી અને સ્ટેફિલોકોકસ જેવા ખતરનાક બેક્ટેરિયા હોય છે. એટલું જ નહીં સ્કિન અને રેસ્પિરેટરી ઈન્ફેક્શન સાથે સંકળાયેલા બેક્ટેરિયા પણ હાજર હોય છે.

અનેક બીમારીઓનો ખતરો
ઈ.કોલાઈ એક એવો બેક્ટેરિયા હોય છે જે સામાન્યરીતે માણસોની સાથે સાથે પ્રાણીઓનાં આંતરડામાં મળી આવે છે. આ બેક્ટેરિયા ફૂડ પોઈઝનિંગ અને યૂરિનરી ટ્રેક્ટ ઈન્ફેક્શનનું કારણ બની શકે છે. જ્યારે સ્ટેફિલોકોકસ એક એવો બેક્ટેરિયા છે જેને સમયસર કંટ્રોલ ન કરવામાં આવે તો સ્કિનમાં ઈન્ફેક્શન અને નિમોનિયા જેવી હેલ્થ પ્રોબલેમ્સ થઈ શકે છે.

રિસ્ટબેંડ પર કઈ રીતે જન્મે છે બેક્ટેરિયા?

• રિસ્ટબેંડ સ્કિન સાથે કનેક્ટેક્ટેડ હોય છે જેના લીધે બેક્ટેરિયા સ્કિનમાં પ્રવેશી શકે છે.
• શરીરમાંથી નિકળતા પરસેવા કપડાંની સાથે-સાથે રિસ્ટબેંડ પર જમા થઈ જાય છે. પરસેવામાં બેક્ટેરિયા હોય છે જે રિસ્ટબેંડ પર ચોંટી જાય છે.  પરસેવામાં રહેલા તત્વો બેક્ટેરિયા માટે પોષકતત્વોનું કામ કરે છે.
• સ્માર્ટફોન, લેપટોપ, રિસ્ટબેંડ, સ્માર્ટવોચ જેવા ઉપકરણો લોકો સાફ નથી કરતાં હોતા. તેના પર ધૂળની સાથે-સાથે હાથોની ગંદકી પણ હોય છે જેમાં બેક્ટેરિયા ચોંટેલા હોય છે.