ક્રિકેટ / ICUમાં દાખલ શ્રેયસ ઐયર સાથે શું બન્યું? પરિવારના સભ્યો મુંબઈથી સિડની દોડ્યાં, BCCIનું મોટું અપડેટ

ભારતના વનડેના વાઈસ કેપ્ટન શ્રેયસ ઐયરની હાલત ગંભીર પરંતુ સ્થિર છે. સદનસીબે, ઐયરને હવે ICU માંથી બહાર ખસેડવામાં આવ્યો છે. જોકે, એક સમય એવો હતો જ્યારે ઐયરનો જીવ જોખમમાં હતો, કારણ કે તેની ઈજા ગંભીર હતી અને આંતરિક રક્તસ્રાવથી સ્થિતિ વધુ ખરાબ થઈ ગઈ હતી. BCCI એ તેમની નજીકથી દેખરેખ રાખવા માટે એક ટીમ ડૉક્ટરની નિમણૂક કરી છે, અને 30 વર્ષીય ઐયરની હાલતમાં સુધારો થઈ રહ્યો છે.

શ્રેયસ હવે ICU માંથી બહાર, તબિયતમાં સુધારો

શ્રેયસ હવે ICU માંથી બહાર છે અને તેની હાલતમાં સુધારો થઈ રહ્યો છે. સિડની ક્રિકેટ ગ્રાઉન્ડ પર ઓસ્ટ્રેલિયા સામેની ત્રીજી અને અંતિમ વનડેમાં કેચ લેવા માટે પાછળની તરફ ડાઇવ કરતી વખતે તેને પાંસળીમાં ઇજા થઈ હતી, ત્યારબાદ તે મેદાન છોડીને ચાલ્યો ગયો હતો. ડ્રેસિંગ રૂમમાં પાછા ફર્યા પછી તેની તબિયત સારી ન હોવાથી તેને થોડીવાર પછી હોસ્પિટલમાં લઈ જવામાં આવ્યો હતો.

વધુ વાંચો : જુગારમાં હાર બાદ દોસ્ત સાથે સંબંધ બાંધવા પતિએ હોટલ મોકલી, પત્ની પણ ચાલાક નીકળી, કર્યું ખતરનાક

પરિવારના સભ્યો સિડની જશે

શ્રેયસ ઐયર સાથે કેટલાક સ્થાનિક મિત્રો પણ છે, અને વિઝા મળી ગયા બાદ પરિવારના સભ્યો મુંબઈથી સિડની જઈ શકે છે. ઐયરના માતાપિતાએ ઓસ્ટ્રેલિયાના અરજન્ટ વિઝાની પણ અરજી કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ