કઈ માનસિકતા! / ખેરાલુ પથ્થરમારાનો ચોંકાવનારો વીડિયો: 5-7 યુવાનો સાથે મહિલાઓ પણ કરી રહી હતી રામ શોભાયાત્રા પર કાંકરીચાળો

• મહેસાણાના ખેરાલુમાં ભગવાન રામની શોભાયાત્રા પર પથ્થરમારો 
• બેહરિન વાસ વિસ્તારમાંથી જ્યારે શોભાયાત્રા કાઢવામાં આવી હતી
• કેટલાક અસામાજિક તત્વો દ્વારા શોભાયાત્રા પર પથ્થરમારો કરાયો

આવતીકાલે એટલે કે 22 જાન્યુઆરીએ અયોધ્યામાં રામલલાની પ્રાણ પ્રતિષ્ઠા થવાની છે. પ્રાણ પ્રતિષ્ઠાને લઈને દેશભરમાં ખુણે ખુણે તેની ઊજવણી કરવામાં આવી રહી છે. ત્યારે મહેસાણાના ખેરાલુમાં પણ ભગવાન રામલલાની પ્રાણ પ્રતિષ્ઠાની શોભાયાત્રા કાઢવામાં આવી હતી. આ યાત્રા દરમિયાન ખેરાલુ કડીયા બજારમાં શોભાયાત્રા પર પથ્થરમારાની ઘટના બન્યાના સમાચાર પ્રકાશમાં આવ્યા છે. શોભાયાત્રા બજારમાંથી પસાર થઈ રહી હતી ત્યારે ધાબા પર રહેલી અમુક મહિલાઓ દ્વારા યાત્રા પર પથ્થરમારો કરવામાં આવ્યો હતો. આ ઘટનાના કેટલાક ચોંકાવનારા વીડિયો પણ સામે આવ્યા છે. જેમાં કેટલાક લોકો પથ્થરમારો કરી રહ્યા છે. વીડિયોમાં જોઈ શકાય છે કે કેટલીક મહિલાઓ પણ પથ્થરમારો કરી રહ્યા છે. 

મહેસાણાના ખેરાલુમાં ભગવાન શ્રી રામની યાત્રામાં પથ્થરમારો, હાલ સ્થિતિ કાબૂમાં

ગુજરાતની શાંતિ ડહોળનારા કોણ?#Gujarat #AyodhyaRamTemple #mehsana #RamShobhaYatra #vtvgujarati pic.twitter.com/BzWvAqyX75

— VTV Gujarati News and Beyond (@VtvGujarati) January 21, 2024

મહિલાઓ દ્વારા પથ્થરમારો કરવામાં આવ્યો

મળતી માહિતી પ્રમાણે રામ મંદિર પ્રાણ પ્રતિષ્ઠાની યાત્રા ખેરાલુની કડીયા બજાર વિસ્તારમાંથી પ્રસાર થઈ રહી હતી ત્યારે ધાબા પરથી મહિલાઓ દ્વારા પથ્થરમારો કરવામાં આવ્યો હતો, ત્યાર બાદ અનેક યુવાનોએ પણ યાત્રા પર પથ્થરમારો કર્યો હતો. જેનો વીડિયો સોશિયલ મીડિયામાં વાયરલ થઈ રહ્યો છે.

પોલીસ બંદોબસ્ત સાથે ફરી યાત્રા નીકળી

મહેસાણાના ખેરાલુ રામ યાત્રા પર પથ્થરમારા બાદ પોલીસ બંદોબસ્ત સાથે ફરી યાત્રા નીકળી, ધારાસભ્ય સરદાર ચૌધરી યાત્રામાં જોડાયા, મોટી સંખ્યામાં રામ ભક્તો પણ યાત્રામાં જોડાયા હતા.