VIDEO / ગુજરાતીઓના મનપસંદ સ્થળે થઈ ભારે બરફવર્ષા, પહાડોએ સફેદ ચાદર ઓઢતા કુદરતી સૌદર્ય સોળે કળાએ ખીલ્યું

 

• ગુલમર્ગ અને શિમલામાં વધ્યા પ્રવાસીઓ
• ઉત્તરના પહાડોએ ઓઢી સફેદ ચાદર !
• પ્રવાસીઓએ ગુલમર્ગમાં માણી મજા

જમ્મુ કાશ્મીર અને હિમાચલ પ્રદેશમાં હિમવર્ષા થતા પ્રવાસીઓ મોટી સંખ્યામાં અહીં ઉમટી રહ્યા છે. લોકો બરફની મજા માણવા માટે અલગ અલગ શહેરમાંથી ગુલમર્ગ કે શિમલા પહોંચી રહ્યા છે. પ્રવાસીઓ કુદરતના આ સૌંદર્યને માણવામાં કોઈ કચાશ બાકી રાખવા ઈચ્છતા નથી.

#WATCH | Jammu and Kashmir: Amid heavy snowfall in the region, tourists from France, Australia & New Zealand arrive in Gulmarg for skiing. pic.twitter.com/u9En4Bz3Ur

— ANI (@ANI) February 2, 2024

પ્રવાસીઓએ અહીં બરફની મજા માણી રહ્યાં છે
ગુલમર્ગમાં હિમવર્ષા બાદ આખા વિસ્તારમાં બરફને સફેદ ચાદર પથરાઈ ચૂકી છે. ત્યારે પ્રવાસીઓએ અહીં બરફની મજા માણી રહ્યાં છે. સાથે બરફ પર સ્લેજ રાઈડિંગ પર સવાર થઈને લોકો કુદરતના આ સૌંદર્યને વધુમાં વધુ આંખોમાં સમાવવાનો પ્રયાસ કરી રહ્યા છે. ગુલમર્ગમાં આ સીઝન દરમિયાન સૌથી વધુ પ્રવાસીઓ આવતા હોવાથી અહીં રોજગારીમાં પણ વધારો થયો છે. સ્થાનિક લોકોને અહીં વધુમાં વધુ રોજગારી મળવાથી પૈસાનો પણ અહીં વરસાદ થઈ રહ્યો છે.

વાહન વ્યવહાર પર અસર
જમ્મુ કાશ્મીરના રાજૌરીમાં ખેડૂતો ખુબજ ખુશ છે. તેમની ખેતી માટે આ હિમવર્ષા ખુબજ જરૂરી હતી. તો બીજીબાજુ હિમવર્ષાને પગલે ઘણી જગ્યાએ કાચારસ્તા ખરાબ થઈ ગયા છે. લોકોને અવરજવરમાં મુશ્કેલી નડી રહી છે. રોડ કનેક્ટિવિટી ન મળતા અહીં ઘણા લોકો 7 કિલોમીટર ચાલતા શાળાએ પહોંચી રહ્યા છે.

વાંચવા જેવું: ભારતીય વાયુસેના પર સાયબર હુમલાની મોટી કોશિશ નિષ્ફળ, આ હાઈટેક તકનિક કરી ગઈ કામ

Himachal Pradesh | Shimla covered in a blanket of thick snow, as the area receives heavy snowfall. pic.twitter.com/GJROlSrrUt

— ANI (@ANI) February 2, 2024

બરફની ચાદર છવાઈ
આ તરફ શિમલાની વાત કરીએ તો અહીં ભારે હિમવર્ષાથી ઝાડ હોય કે રસ્તા જ્યાં જુઓ ત્યાં બરફની સફેદ ચાદર પથરાયેલી છે. આકાશમાંથી વરસતા બરફથી અહીંનો આખો વિસ્તાર ખીલી ઉઠ્યો છે. પ્રવાસીઓને હવે અહીંથી બીજે ક્યાંય જવાની ઈચ્છા થઈ રહી નથી. આમ એકતરફ ગુલમર્ગમાં ખુશીનો માહોલ છે તો રાજૌરીમાં લોકો મુશ્કેલીઓનો સામનો કરી રહ્યા છે. હિમવર્ષાએ લોકોની રોજગારી વધારી પરંતુ સ્થાનિક તંત્ર પાસેથી વધુ વ્યવસ્થા કરવાની અપીલ થઈ રહી છે. બીજીબાજુ શિમલામાં જે પ્રવાસીઓ પહોંચી રહ્યા છે તેઓ પૈસા વસૂલ થવાનો અનુભવ કરી રહ્યા છે. શિમલાના દ્રશ્યો જોનારાને અહીંથી જવાનું મન થઈ રહ્યું નથી. અને વધુમાં વધુ સમય શિમલામાં ગુજારવાનું મન બનાવી રહ્યા છે. ત્યારે આગામી દિવસોમાં અહીં વધુ પ્રવાસીઓનો ધસારો જોવા મળે તો નવાઈ નહીં.