મનોરંજન / ડંકીનો ડંકો: શાહરુખ ખાન ફરી બન્યો બોક્સ ઓફિસનો કિંગ, હેટ્રીક સાથે આવું કરનારો બોલીવુડનો બીજો અભિનેતા

• શાહરૂખ ખાન માટે વર્ષ 2023 ખૂબ જ શાનદાર રહ્યું 
• ક્સઓફિસ પર 1000 કરોડ રૂપિયાથી વધુની જંગી કમાણી
• કિંગ ખાને વધુ એક રેકોર્ડ જીતી લીધો

બોલિવુડના બાદશાહ શાહરૂખ ખાન માટે વર્ષ 2023 ખૂબ જ શાનદાર રહ્યું છે. ચાર વર્ષના લાંબા વિરામ પછી, કિંગ ખાને ફિલ્મ ‘પઠાન’થી કમબેક કર્યું અને આ ફિલ્મે બોક્સઓફિસ પર 1000 કરોડ રૂપિયાથી વધુની જંગી કમાણી કરી છે. ફિલ્મ ‘જવાન’એ પણ બોક્સઓફિસ પર 1,100 કરોડ રૂપિયાથી વધુનું કલેક્શન કર્યું છે. વર્ષ 2023ના તમાં આવેલ ફિલ્મ ‘ડંકી’એ પણ એક રેકોર્ડ બનાવી દીધો છે. 

ફિલ્મ ‘ડંકી’ સિનેમાઘરોમાં 21 ડિસેમ્બરે રિલીઝ થઈ હતી અને આ ફિલ્મે રિલીઝના માત્ર ચાર દિવસમાં, ફિલ્મે ભારતીય બોક્સ ઓફિસ પર અંદાજે રૂ.105 કરોડ રૂપિયાની કમાણી કરી છે. શાહરૂખ ખાને એક મોટો રેકોર્ડ પોતાના નામે કરી લીધો છે. શાહરૂખ ખાન બોલિવુડના બીજા એવા એક્ટર બની ગયા છે, જેમણે બેક ટૂ બેક ત્રણ ફિલ્મ પઠાન, જવાન અને ડંકી કરી છે, જે 100 કરોડના ક્લબમાં શામેલ થઈ છે. 

પહેલા નંબર પર કોણ?
આ લિસ્ટમાં શાહરૂખ ખાન બીજા નંબરે અને રણબીર કપૂરે પહેલા નંબરે છે. કોરોનાકાળ પછી રણબીર કપૂરની ફિલ્મ બ્રહ્માસ્ત્ર, તૂ જૂઠી મે મક્કાર અને એનિમલ રિલીઝ થઈ છે. રણબીર કપૂરની આ ફિલ્મોએ બોક્સઓફિસ પર ધમાલ મચાવી દીધી છે. ફેન્સને ફિલ્મ ‘એનિમલ’ ખૂબ જ પસંદ આવી રહી છે. આ ફિલ્મે ગ્લોબલી શાનદાર કલેક્શન કર્યું છે અને ટૂંક સમયમાં 900 કરોડના ક્લબમાં શામેલ થઈ જશે. આ ફિલ્મમાં ફેન્સ બોબી દેઓલનું પાત્ર પણ ફેન્સને પસંદ આવી રહ્યું છે.