Vastu Tips / વાસ્તુ અનુસાર શું સાત ઘોડાની તસવીર ઘરમાં લગાવવાથી કોઈ ફાયદો થાય છે? જાણો મહત્વ અને કઈ દિશામાં લગાવવું છે શુભ

• દોડતા ઘોડા સફળતા, પ્રગતિ અને તાકાતનું પ્રતિક
• દોડતા ઘોડાના ફોટોઝ લગાવવાથી કાર્ય ઝડપથી થાય છે
• દિશામાં દોડતા ઘોડાની પેઈન્ટિંગ લગાવવી જોઈએ

વાસ્તુ અનુસાર સાત ઘોડાની પેઈન્ટિંગ લગાવવી તે વૃદ્ધિ અને સૌભાગ્ય માટે શુભ માનવામાં આવે છે. તમારા ઘર અથવા ઓફિસમાં દોડતા ઘોડાના ફોટોઝ લગાવો છો, તો તમારું કાર્ય ઝડપથી થાય છે. દોડતા ઘોડા સફળતા, પ્રગતિ અને તાકાતનું પ્રતિક હોય છે. માનવામાં આવે છે કે, કાર્યસ્થળે આ પ્રકારનું પેઈન્ટિંગ લગાવવાથી સાહસ, સમજદારી, ધૈર્ય, બુદ્ધિ, આધ્યાત્મ, પ્રેમ, આનંદ, જ્ઞાન, પવિત્રતાનો સંચાર થાય છે અને તમામ ક્ષેત્રે સફળતા મળે છે. કઈ દિશામાં દોડતા ઘોડાની પેઈન્ટિંગ લગાવવી જોઈએ, તે અંગે અહીંયા જાણકારી આપવામાં આવી છે.

દક્ષિણ દિશા
વાસ્તુ શાસ્ત્ર અનુસાર 7 ઘોડાની પેઈન્ટિંગ વાસ્તુના અલગ અલગ પરિબળ સાથે જોડાયેલ છે. વાસ્તુ અનુસાર દક્ષિણ દિશામાં આ પેઈન્ટિંગ લગાવવાથી પ્રસિદ્ધિ અને સફળતા પ્રાપ્ત થાય છે. 

ઉત્તર દિશા
આ દિશામાં દોડતા ઘોડાની પેઈન્ટિંગ લગાવવાથી ઘરમાં સમૃદ્ધિ આવે છે અને ઘરમાં ધનનું આગમન થાય છે. બિઝનેસમાં લાભ થાય તે માટે દોડતા ઘોડાની પેઈન્ટિંગની જગ્યાએ તાંબા, પિત્તળ અથવા ચાંદીથી બનેલ દોડતા ઘોડાની મૂર્તિ રાખી શકો છો. 

પૂર્વ દિશા
7 ઘોડાની પેઈન્ટિંગ પૂર્વ દિશામાં રાખવામાં આવે તો કરિઅરનો ગ્રોથ થાય છે. જે પણ કામ અટકી ગયુ હોય તેમાં પ્રગતિ થાય છે. 

કયા રૂમમાં રાખવી આ પેઈન્ટિંગ?
દોડતા ઘોડા પ્રગતિનું પ્રતિક ગણાય છે. આ કારણોસર તમે લિવિંગ રૂમમાં આ પેઈન્ટિંગ લગાવી શકો છો. આ પેઈન્ટિંગ સ્ટડી રૂમ અથવા ઓફિસમાં પણ લગાવી શકો છો. આ પેઈન્ટિંગ ક્યારેય પણ બેડરૂમમાં ના લગાવી જોઈએ. 

આ બાબતોનું ખાસ ધ્યાન રાખવું

• દોડતા ઘોડાની પેઈન્ટિંગ લગાવો ત્યારે તે ઘોડા શાંત હોવા જોઈએ. ઘરમાં આક્રમક ઘોડાની પેઈન્ટિંગ ના લગાવવી. સાત સફેદ ઘોડા શાંતિપૂર્ણ અભિવ્યક્તિની સાથે વાસ્તુ ચલાવે છે અને સમૃદ્ધિ તથા સૌભાગ્ય લાવે છે. 
• સફેદ રંગ શાંતિનું પ્રતિક છે, જે સફળતા અને વિકાસને પ્રોત્સાહન આપે છે. આ પેઈન્ટિંગમાં ધોડા સફેદ હોવા જોઈએ. 
• ક્યારેય પણ એકલા દોડતા ઘોડાની પેઈન્ટિંગ ના લગાવવી. 
• ઘોડાનું મોઢું અંદરની તરફ હોવું જોઈએ અને લગામ બાંધેલી હોવી જોઈએ.