કર્ણાટક / બોલો! આ રાજ્યમાં CMથી પડોશી કંટાળ્યા, કાફલો રોકાવીને કરી બબાલ- કહ્યું આ શું બકવાસ છે...

• કર્ણાટકનાં CM  સિદ્ધારમૈયાનાં ઘરની બહાર હોબાળો
• પાડોશીએ કહ્યું, 'આ શું બકવાસ છે?'
• પાર્કિંગનાં મુદે પાડોશીએ કરી ફરિયાદ

કર્ણાટકનાં CM સિદ્ધારમૈયાનાં ઘરની બહાર ગુરુવારે એક ચોંકાવનારી ઘટના બની. મુખ્યમંત્રીનાં એક પાડોસીએ જ સિદ્ધારમૈયાની કારને રોકી દીધી અને ઘણું સંભળાવ્યું. થયું એવું કે જ્યારે CM સિદ્ધારમૈયા પોતાના ઘરની બહાર નિકળ્યાં તો મુખ્યમંત્રી આવાસની સામેનાં ઘરમાં રહેતાં એક વરિષ્ઠ નાગરિકે તેમની કારને રોકી. કથિત ધોરણે તેમણે સિદ્ધારમૈયારનાં મહેમાનોનાં કારણે તેમના પરિવારને થતી પાર્કિંગની સમસ્યાઓનાં સમાધાનની માંગ કરી હતી.

'અમે કંટાળી ગયાં છીએ'
આ નાગરિકનું નામ નરોત્તમ છે. મુખ્યમંત્રીની કાર જેવી બહાર નિકળે છે તેવા એ નાગરિક કારની સામે આવી જાય છે અને પોતાનો ગુસ્સો કાઢે છે. વ્યક્તિએ ફરિયાદ કરતાં કહ્યું કે સિદ્ધારમૈયાથી મળવા આવતાં લોકો પોતાના વાહનો જ્યાં-ત્યાં પાર્ક કરી દે છે જેના લીધે તેમને અને તેમના પરિવારને પોતાનું વાહન બહાર નિકાળવું અઘરું પડી જાય છે. તેમણે કહ્યું કે, 'છેલ્લાં 5 વર્ષોથી આ શું બકવાસ થઈ રહી છે? અમે કંટાળી ગયાં છીએ.'

'આ શું બકવાસ છે'
નરોત્તમે CMને કહ્યું કે, 'આ શું બકવાસ છે. કોઈ ટ્રાફિક ડિસિપ્લિન નથી.અમારા ઘરની અંદર કોઈ આવી નથી શકતું. તેઓ ઘરની સામે પાર્ક કરે છે. અમે 5 વર્ષોથી આ સમસ્યાનો સામનો કરી રહ્યાં છીએ. દરરોજ સવારે મને સિદ્ધારમૈયાનં ઘરની પાસે આવવું પડે છે અને તે વાહનનાં માલિકને શોધવું પડે છે જેમણે ગેટની પાસે કાર પાર્ક કરી છે. સિદ્ધારમૈયા ફરી મુખ્યમંત્રી બન્યા એ સાથે તેમને મળવા આવતાં લોકોની સંખ્યામાં પણ વધારો થયો છે.'

સિદ્ધારમૈયાએ આદેશ આપ્યાં
પાર્કિંદ મુદે પાડોશીની વાત સાંભળ્યાં બાદ સિદ્ધારમૈયાએ પોતાના ઘર પર તૈનાત સુરક્ષાકર્મીઓને આ મામલા અંગે તપાસ કરવા અને પાર્કિંગ સમસ્યાનો ઉકેલ લાવવાનાં આદેશ આપ્યાં હતાં. અત્રે ઉલ્લેખનીય છે કે સિદ્ધારમૈયા હજુ સુધી મુખ્યમંત્રીને ફાળવવામાં આવતાં બંગલામાં શિફ્ટ નથી થયાં. તે પોતાના જૂના બંગલામાં જ વાસ કરી રહ્યાં છે.