ઈચ્છા / સીમા-સચિન બાબા બાગેશ્વર ધામમાં ફરશે લગ્નનાં 7 ફેરાં! અગાઉ નેપાળના મંદિરમાં કરી ચૂક્યાં છે લગ્ન

• સીમા હૈદર અને સચિને તેમના લગ્નને લઈને વધુ એક ખાસ ઈચ્છા જણાવી
• ધીરેન્દ્ર શાસ્ત્રી સામે લગ્ન કરવા માંગે છે સચિન-સીમા હૈદર
• UP ATS સીમા હૈદરના સમગ્ર રૂટ અને નેટવર્કની તપાસ કરશે

સચિન-સીમા હૈદરની લવસ્ટોરી આજકાલ ખૂબ ચર્ચામાં છે. જણાવી દઈએ કે હાલમાં આ કપલ નોઈડામાં રહે છે અને દૂર-દૂરથી લોકો તેમને મળવા આવે છે અને પાકિસ્તાની પુત્રવધૂને જોવા અને તેની સાથે વાત કરવા માંગે છે. આ સાથે જ દરેક મિડિયાવાળા પણ તેના ઇન્ટરવ્યૂ પણ લઈ રહ્યા છે. વાતચિતમાં સીમા હૈદર અને સચિને તેમના લગ્નને લઈને વધુ એક ખાસ ઈચ્છા જણાવી હતી. 

ધીરેન્દ્ર શાસ્ત્રી સામે લગ્ન કરવા માંગે છે સચિન-સીમા હૈદર
વાત એમ છે કે દંપતીએ કહ્યું કે તેઓ બાબા બાગેશ્વર એટલે કે ધીરેન્દ્ર શાસ્ત્રીને મળવા અને તેમની સામે લગ્ન કરવા માંગે છે. સાથે જ એમને એમ પણ કહ્યું હતું કે તેમના દરબારમાં જવા માટે એમને પોલીસની પરવાનગી લેવી પડશે. નોંધનીય છે કે બંનેની પોલીસે 4 જુલાઈએ ધરપકડ કરી હતી. હાલ તે કોર્ટમાંથી જામીન પર મુક્ત છે. 

UP ATS સીમા હૈદરના સમગ્ર રૂટ અને નેટવર્કની તપાસ કરશે
આ સાથે જ ઉલ્લેખનીય છે કે કોર્ટે બંનેને એ શરતે જામીન આપ્યા છે કે તેઓ ઘર છોડશે નહીં. બંનેણઆ લગ્ન અને સીમાણઆ બોર્ડર ક્રોસ કરીને ભારત આવવા બાબતે હજુ કાર્યવાહી ચાલુ છે. હાલમાં યુપી એટીસી હવે આ મામલાની તપાસ કરશે. એમની સાથે હેડક્વાર્ટર પોલીસ સાથે મળીને તે આ મામલે સંયુક્ત રીતે તપાસ કરશે. ઉપરાંત UP ATS પાકિસ્તાનથી દુબઈ અને પછી નેપાળ થઈને ભારત આવતા સીમા હૈદરના સમગ્ર રૂટ અને નેટવર્કની તપાસ કરશે. આ દરમિયાન સીમા હૈદરના મદદગારોનો સંપૂર્ણ ડેટા અને કયા મોબાઈલ નંબરનો ઉપયોગ કર્યો હતો, તેની તપાસ કરવામાં આવશે.

બીજી તરફ કેન્દ્રીય ગુપ્તચર એજન્સીઓ પણ સીમા હૈદરની પાકિસ્તાનમાં બેકગ્રાઉન્ડ ચેક કરાવી રહી છે. સીમા હૈદરની સંપૂર્ણ પ્રોફાઇલ અને પાકિસ્તાનમાં તેના સંબંધીઓની માહિતી એકત્ર કરવામાં આવી રહી છે. સીમા હૈદરની સાથે યુપી એટીએસ ગ્રેટર નોઈડામાં રહેતા સચિનની બેકગ્રાઉન્ડ પણ તપાસ કરશે.

એ વાત તો નોંધનીય જ છે કે સીમા હૈદરે દાવો કર્યો છે કે જ્યારે તે માર્ચમાં નેપાળમાં સચિનને મળી હતી, ત્યારે બંનેએ મંદિરમાં લગ્ન કર્યા હતા. તેની પાસે તેના પુરાવા પણ છે. સીમાએ એમ પણ કહ્યું હતું કે તે સચિન સાથે કાયદેસર રીતે ભારતમાં લગ્ન કરશે. હવે તેણે એવી ઈચ્છા પણ વ્યક્ત કરી છે કે તે બાબા બાગેશ્વરની સામે તેમના આશીર્વાદ લઈને લગ્ન કરે.

હવે એ જોવાનું રહે છે કે સીમાને ભારતમાં રહેવાની પરવાનગી મળે છે કે પછી તેને પાકિસ્તાન પરત મોકલવામાં આવશે.