બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 01:08 PM, 29 July 2026
FOLLOW ON
શેર કરો
1/6
હિન્દુ પંચાંગ અનુસાર, શ્રાવણ માસની ગુજરાતી કેલેન્ડર પ્રમાણે 13 ઓગસ્ટે શ્રાવણની શરૂઆત થાય છે અને 11 સપ્ટેમ્બરે શ્રાવણનુ સમાપન થાય છે. 17 ઓગષ્ટે પહેલો સોમવાર છે. આ દિવસે, વહેલી સવારથી જ દેશભરના શિવાલયોમાં ભક્તોની ભારે ભીડ જોવા મળશે, જેઓ 'જલાભિષેક' દ્વારા ભગવાન ભોલેનાથના આશીર્વાદ મેળવે છે.
આ તસવીર શેર કરો
2/6
આ વર્ષે, ભગવાન શિવને સમર્પિત શ્રાવણ માસ દરમિયાન કુલ ચાર સોમવાર આવે છે. આ દિવસોમાં રુદ્રાભિષેક કરવાનું વિશેષ મહત્વ છે. માન્યતા છે કે, શ્રાવણ મહિના દરમિયાન જે ભક્તો સાચા હૃદય અને શ્રદ્ધાથી ભગવાન શિવની પૂજા-અર્ચના કરે છે, તેમને ભોલેનાથની વિશેષ કૃપા પ્રાપ્ત થાય છે. ભગવાન શિવ અત્યંત સરળ અને દયાળુ દેવતા માનવામાં આવે છે, જે માત્ર જળ અર્પણ કરવાથી પણ પ્રસન્ન થઈ જાય છે. રુદ્રાભિષેક કરવાથી માત્ર મનોકામનાઓ જ પૂર્ણ થતી નથી, પરંતુ નવગ્રહો પણ શાંત થાય છે, કારણ કે સ્વયં તમામ ગ્રહો ભગવાન શિવની પૂજા કરે છે.
આ તસવીર શેર કરો
3/6
શ્રાવણનો પ્રથમ દિવસ આયુષ્માન યોગ, શશ મહાપુરુષ રાજયોગ, હંસ રાજયોગ અને ગુરુ-આદિત્ય રાજયોગ બની રહ્યો છે, આ સમય દરમિયાન ભગવાન મહાદેવની પૂજા કરવાનું વિશેષ મહત્વ માનવામાં આવે છે.
આ તસવીર શેર કરો
4/6
સવારનું સ્નાન અને સૂર્યોદય પહેલાં જાગીને સ્નાન કરો અને સ્વચ્છ વસ્ત્રો ધારણ કરો. ત્યારબાદ, હાથમાં જળ લઈને વ્રત પાળવાનો સંકલ્પ કરો.તમારા ઘરના પૂજાસ્થળ પર અથવા નજીકના શિવ મંદિરમાં ભગવાન શિવ અને માતા પાર્વતીની પૂજા કરો.સૌપ્રથમ શિવલિંગ પર શુદ્ધ જળ અર્પણ કરો, ત્યારબાદ કાચું દૂધ, ગંગાજળ, દહીં, મધ અને ઘી અર્પણ કરો. છેલ્લે, ફરીથી શુદ્ધ જળ અર્પણ કરો. ત્યારબાદ, ભગવાન ભોલેનાથને તેમના પ્રિય બિલીપત્ર, ધતુરા, ભાંગ, શમીના પાન, ચંદનનો લેપ, અક્ષત, સફેદ ફૂલો અને પવિત્ર ભસ્મ અર્પણ કરો. પૂજા દરમિયાન મનમાં સતત 'ઓં નમઃ શિવાય' અથવા 'મહામૃત્યુંજય મંત્ર'નો જાપ કરો. શ્રાવણ મહિનાના સોમવારના વ્રત સાથે જોડાયેલી કથા વાંચો અથવા સાંભળો. અંતે, આરતી કરો અને ભગવાન શિવને ફળ, સૂકો મેવો અથવા ખાંડનો ભોગ ધરાવો.
આ તસવીર શેર કરો
5/6
શ્રાવણ મહિના દરમિયાન દરરોજ ભગવાન શિવને જળ, દૂધ અને બેલપત્ર અર્પણ કરવા જોઈએ. શક્ય હોય તો પૂજા માટે મંદિરે જવું જોઈએ. અન્યથા, સંપૂર્ણ શ્રદ્ધા સાથે ઘરે પણ આ વિધિ કરી શકાય છે.
આ તસવીર શેર કરો
6/6
શ્રાવણ મહિનો આધ્યાત્મિક દ્રષ્ટિએ અત્યંત પવિત્ર માનવામાં આવે છે. આ સમયગાળા દરમિયાન ભગવાન શિવની ભક્તિ કરવાથી જીવનમાં સકારાત્મક ઊર્જા, સુખ, શાંતિ અને સમૃદ્ધિનો સંચાર થાય છે. જે ભક્તો સાચા હૃદયથી ભગવાન શિવની આરાધના કરે છે, તેમની મનોકામનાઓ પૂર્ણ થાય છે અને તેમના જીવનમાં પ્રગતિના માર્ગો ખુલે છે. તેથી, આ શ્રાવણ મહિનામાં તમે પણ ભગવાન ભોલેનાથની ભક્તિમાં લીન થાઓ અને તેમના આશીર્વાદથી તમારા જીવનને સમૃદ્ધ બનાવો. આ ઉપરાંત, અન્ય લોકોને પણ ભગવાન શિવની પૂજા-અર્ચના કરવા માટે પ્રેરિત કરો, કારણ કે કોઈને ભક્તિના માર્ગે વાળવા એ પણ એક પુણ્યનું કાર્ય માનવામાં આવે છે. (DISCLAIMER ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
