રાજ્યસભા / મિનિમમ બેલેન્સ ન રાખતા ગ્રાહકો પાસેથી બેંકોએ વસૂલ્યા ₹5,000 કરોડ! HDFC અને Axis સૌથી આગળ

Minimum Balance Fine : દેશની ખાનગી બેંકોએ નાણાકીય વર્ષ 2025-26 દરમિયાન સેવિંગ્સ અને કરંટ ખાતામાં નક્કી કરાયેલ મિનિમમ એવરેજ બેલેન્સ જાળવી ન રાખનાર ગ્રાહકો પાસેથી આશરે ₹4,948.71 કરોડ ચાર્જ તરીકે વસૂલ્યા છે. આ માહિતી મંગળવારે સંસદમાં સરકાર દ્વારા આપવામાં આવી હતી. રાજ્યસભામાં એક પ્રશ્નના જવાબમાં નાણાં રાજ્યમંત્રી પંકજ ચૌધરીએ જણાવ્યું કે, આ જ સમયગાળા દરમિયાન સરકારી બેંકોએ ₹2,137.92 કરોડ વસૂલ્યા હતા. એટલે કે ખાનગી બેંકોની વસૂલાત સરકારી બેંકોની સરખામણીએ બમણાથી પણ વધુ રહી.

HDFC અને Axis બેંકે સૌથી વધુ વસૂલ્યા ચાર્જ

RBIના આંકડા મુજબ

• HDFC બેંક – ₹1,798.14 કરોડ
• Axis બેંક – ₹1,081.33 કરોડ

આ બંને બેંકોએ મળીને ₹2,879.47 કરોડ વસૂલ્યા, જે 19 ખાનગી બેંકોની કુલ વસૂલાતના આશરે 58% જેટલા છે.

કયા ખાતાઓમાં દંડ લાગતો નથી?

સરકારે સ્પષ્ટ કર્યું કે નીચેના ખાતાઓમાં મિનિમમ બેલેન્સ ન રાખવા બદલ કોઈ દંડ વસૂલવામાં આવતો નથી:

• બેઝિક સેવિંગ્સ બેંક ડિપોઝિટ અકાઉન્ટ (BSBDA)
• પ્રધાનમંત્રી જનધન યોજના (PMJDY) ખાતા

સરકારી બેંકોની સ્થિતિમાં સુધારો

પંકજ ચૌધરીએ જણાવ્યું કે છેલ્લા કેટલાક વર્ષોમાં સરકારી બેંકોની નાણાકીય સ્થિતિમાં નોંધપાત્ર સુધારો થયો છે. તેમની બેલેન્સ શીટ વધુ મજબૂત બની છે, નફો ઐતિહાસિક ઊંચાઈએ પહોંચ્યો છે અને ગ્રોસ નોન-પરફોર્મિંગ એસેટ્સ (GNPA) ઘણા દાયકાના સૌથી નીચા સ્તરે છે.

આ પણ વાંચો : શું બંધ થઇ જશે Paytm પેમેન્ટ્સ બેંક? તો Wallet, UPI સહિત તમારા રૂપિયાનું શું થશે?

ECLGS 5.0 હેઠળ વધારાની લોન પર 100% ગેરંટી

• સરકારે પશ્ચિમ એશિયા સંકટને કારણે ટૂંકાગાળાની નાણાકીય મુશ્કેલીનો સામનો કરી રહેલા વ્યવસાયોને રાહત આપવા માટે ECLGS 5.0 યોજના શરૂ કરી છે.
• MSME માટે વધારાની લોન પર 100% ગેરંટી કવરેજ
• નોન-MSME અને શેડ્યૂલ્ડ પેસેન્જર એરલાઇન માટે 90% ગેરંટી કવરેજ
• યોજનાનું કુલ ક્રેડિટ આઉટલે: ₹2.55 લાખ કરોડ
• જેમાંથી ₹5,000 કરોડ એરલાઇન સેક્ટર માટે ફાળવાયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ